წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2014 წლის I კვარტალში 260 მილიონი აშშ დოლარი შეადგინა.
აღნიშნული რიცხვი 2013 წლის I კვარტალის წინასწარ მონაცემებს 15 პროცენტით, ხოლო IV კვარტალის წინასწარ მონაცემებს 20 პროცენტით აღემატება.
2014 წლის I კვარტალის მონაცემების მიხედვით უმსხვილესი ინვესტორი ქვეყნები ნიდერლანდები, აზერბაიჯანი, გაერთიანებული სამეფო, თურქეთი, რუსეთი, საუდების არაბეთი, აშშ და ლუქსემბურგი არიან.
ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 89 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 34 პროცენტია. მეორე ადგილზე იმყოფება დამამუშავებელი მრეწველობა 46 მლნ. აშშ დოლარით, ხოლო მესამეზე – ტრანსპორტი და კავშირგაბმულობა 44 მლნ. აშშ. ინფრომაციას საქსტატი ავრცელებს.
09.06.14
