საქართველო ლიდერია აღმოსავლეთ პარტნიორობის ჩარჩოებში, რომელიც დაიწყო ევროკავშირმა და დარწმუნებული ვარ, მეტის გაკეთებაა საჭირო , – ამის შესახებ ევროკომისიის პრეზიდეტმა ჟოზე მანუელ ბაროზომ სასტუმრო “რედისონში” საქართველო-ევროკავშირის საერთაშორისო ინვესტორთა კონფერენციზე სიტყვით გამოსვლის დროს განაცხადა.
მისი თქმით, ასოცირების ხელშეკრულების დღის წესრიგი იძლევა იმის ხედვას, თუ რა უნდა იქნეს მიღწეული შემდეგი 3 წლის განმავლობაში.
“ასოცირების ხელშეკრულება იქნება სერიოზული სტიმული რეფორმების ჩასატარებლად. ჩვენ ვიცით, რომ საქართველომ ბოლო წლებში მნიშვნელოვანი რეფორმები გაატარა. საქართველო ლიდერია აღმოსავლეთ პარტნიორობის ჩარჩოებში, რომელიც დაიწყო ევროკავშირმა და დარწმუნებული ვარ, მეტის გაკეთებაა საჭირო. ჩვენი დღის წესრიგი გვაძლევს იმის ხედვას, რასაც უნდა მივაღწიოთ შემდეგი 3 წლის განმავლობაში, კონკრეტული პროგრამა, რომელიც ერთობლივად იქნა შემუშავებული”, – განაცხადა ბაროზომ.
მისივე თქმით, ახლა არის მნიშვნელოვანი დრო საქართველოსა და ევროკავშირს შორის ურთიერთობებისთვის.
“ეს გახლავთ ისტორიული ცვლილება საქართველოს ეკონომიკური მომავლისთვის და მას მნიშვნელობა აქვს ევროპისთვის. ისტორიამ გვაჩვენა სიმტკიცე, ერთგულება საქართველოს მოსახლეობის დამოუკიდებლობისა და კონსოლიდაციისთვის. ყოვლისმომცველი მაღალი დონის პარტნიორობა, რომელსაც ვაღწევთ აღნიშნულ ხელშეკრულებაში, ეს გახლავთ პასუხი ისტორიულ გამოწვევებზე, რომელიც თქვენი ქვეყნის წინაშე დგას. ეს გახლავთ ყველაზე მნიშვნელოვანი კონსტრუქციული პარტნიორობა, რომელიც არავის წინააღმდეგ არ არის მიმართული და არც სხვა ამბიციებს არ ეღობება წინ. ეს არის პოზიტიური დღის წესრიგის მხარდაჭერა, რომელიც ეფუძნება დემოკრატიას, ფუნდამენტური უფლებების და თავისუფლების პატივისცემას. ეს გახლავთ ის ელემენტები, რომელიც ყველა რეფორმის სრული შესრულებისთვის არის დამახასიათებელი. ეს ღირებულებები მნიშვნელოვანია, ეკონომიკური თვალსაზრისით. ეს არის წინაპირობა იმისა, რასაც ჰქვია ინვესტორების რწმენა, რომელიც კანონის უზენაესობასთან არის დაკავშირებული”, – აღნიშნა ევროკომისიის პრეზიდენტმა.
13.06.14
