ცენტრალური საარჩევნო კომისიის წინასწარი მონაცემებით, თბილისის ჩათვლით, დანარჩენ 12 თვითმმართველ ქალაქშიც მერის არჩევნებში კოალიცია “ქართული ოცნების” კანდიდატი ლიდერობს , თუმცა 8 ქალაქში მეორე ტური უნდა გაიმართოს.
კოალიცია “ქართული ოცნების” კანდიდატმა მერის არჩევნებში პირველივე ტურში 12 თვითმმართველი ქალაქიდან მხოლოდ ოთხში – ახალციხეში, ამბროლაურში, ქუთაისსა და ზუგდიდში გაიმარჯვა, დანარჩენ 8 ქალაქში, ცესკო-ს წინასწარი მონაცემებით, არჩევნების მეორე ტური უნდა გაიმართოს.
ცესკო-ს მიერ გამოქვეყნებული ბოლო მონაცემების მიხედვით, თელავის რაიონში “ქართული ოცნების” მერობის კანდიდატმა პლატონ კალმახელიძემ ამომრჩეველთა ხმის 42,44 % მიიღო. მეორე ადგილზე კი, 21,7 %-ით “ნაციონალური მოძრაობის” კანდიდატი ალექსი ძულიაშვილია.
რუსთავში – კოალიციის მერობის კანდიდატ დავით ჯიქიას ამომრჩეველთა 38,56 % აქვს, “ნაციონალების” კანდიდატ მამუკა ჩიქოვანს კი 29,3 %. მცხეთაში – კოალიციის კანდიდატმა ავთანდილ ნემსიწვერიძემ – 33,64 % მიიღო, “ნაციონალების” კანდიდატმა გურამ კინწურაშვილმა კი 1, 94 %. აღნიშნულ რაიონში მეორე ადგილზე გასული კანდიდატი “მწვანეთა პარტიის” კანდიდატი – დავით მაჩხანელია.
გორში – “ქართული ოცნების” მერობის კანდიდატ ზურაბ ჯირკველიშვილს მხარი ამომრჩეველთა 41,76 %-მა დაუჭირა, “ნაციონალური მოძრაობის” კანდიდატ არჩილ საბიაშვილს კი – 14,41 %-მა. გორში მეორე ადგილზე “ქართული პარტიის” კანდიდატი კახაბერ ერგემლიძეა, რომელმაც – 29,77 % მიიღო.
ახალციხეში ხმები ასე გადანაწილდა: პირველი ადგილი – კოალიცია “ქართული ოცნება” გიორგი კოპაძე – 60,44 %, “ნაციონალური მოძრაობა” გელა დემეტრაძე – 31,03 %; ამბროლაურში – “ქართული ოცნება” რატი ნამგალაძე – 82,22 %, “ნაციონალური მოძრაობა” ამირან ლომთაძე – 17,78 %, ქუთაისში – “ქართული ოცნება” შოთა მურღულია – 50,69 %, “ნაციონალური მოძრაობა” გიორგი თევდორაძე – 26,44 %; ოზურგეთში – “ქართული ოცნება” ბეგლარ სიორაძე – 36,29 %, “ნაციონალური მოძრაობა” ლევან გოგუაძე – 8,98 %; ზუგდიდში – “ქართული ოცნება” ირაკლი გოგოხია – 57,24 %, “ნაციონალური მოძრაობა” თეიმურაზ ბასილაია – 34 %; ფოთში “ქართული ოცნება” ირაკლი კაკულია 45,66 %, “ნაციონალური მოძრაობა” ვახტანგ დარცმელიძე – 19,36 %; ბათუმში “ქართული ოცნება” გიორგი ერმაკოვი – 46,65 %, “ნაციონალური მოძრაობა” გიორგი დიასამიძე – 18,3 %.
ცესკო-ს წინასწარი მონაცემები ხმების დათვლის პარალელურად იცვლება. ამ დროისთვის თელავში 16 უბნიდან 13 უბნის მონაცემებია დათვლილი, რუსთავში 86 უბნიდან 24 უბნის, მცხეთაში 6 უბნიდან ყველა დათვლილია, გორში 34 უბნიდან 15 უბნის მონაცემები, ახალციხეში – 13 უბნიდან ყვალა დათვლილია, ამბროლაურში – 5 უბნიდან 4 უბნის მონაცემები, ქუთაისში – 125 უბნიდან 100 უბნის მონაცემები, ოზურგეთში – 13 უბნიდან 6 უბნის, ზუგდიდში 42 უბნიდან 30 უბნის, ფოთში 32 უბნიდან 28 უბნის, ბათუმში 103 უბნიდან 44 უბნის მონაცემები.
არჩევნების წინასწარი შედეგები ცესკოს მიერ ხმების დათვლის პარალელურად იცვლება.
16.06.14
