საქართველოს რეგიონული განვითარებისა და ინფრასტრქუტურის მინისტრმა, ელგუჯა ხოკრიშვილმა, საქართველოს ფინანსთა მინისტრმა, ნოდარ ხადურმა და საქართველოს მუნიციპალური განვითარების ფონდის აღმასრულებელმა დორექტორმა, გიორგი სომხიშვილმა, ერთობლივი პროექტების წარმატებით განხორციელებისთვის, მსოფლიო ბანკის ევროპისა და ცენტრალური აზიის რეგიონში ვიცე-პრეზიდენტის ჯილდო მიიღეს.
ხსენებულ ჯილდოზე წელს წარდგენილი იყო 80 პროექტი, რომელთაგან 16 საუკეთესო შეირჩა. ერთ-ერთ წარმატებულ პროექტად დასახელდა „კახეთის რეგიონული განვითარების პროგრამა“, რომელიც მიზნად ისახავდა კახეთის მოსახლეობის ცხოვრების დონის ამაღლებას, ინფრასტრუქტურის მშენებლობა-რეაბილიტაციის, მცირე ბიზნესის ხელშეწყობის, ტურიზმის სექტორისა და სოფლის მურნეობის განვითარების გზით.
„დღეს ჩვენ ვზეიმობთ წარმატებულ თანამშრომლობას მსოფლიო ბანკსა და საქართველოს მთავრობას შორის“, – აღნიშნა მსოფლიო ბანკის რეგიონულმა დირექტორმა სამხრეთ კავკასიაში, ჰენრი კერალმა, – „ჩვენ ერთობლივად განვახორციელეთ რეგიონული განვითარების პროექტი, რომელიც ძალიან წარმატებული იყო. რაც მთავარია, ამ მუშაობას შედეგი მოაქვს, როგორც მთლიანად ქვეყნისთვის, ისე – მისი კონკრეტული მოქალაქეებისთვის.“
სამადლობელ სიტყვაში, საქართველოს რეგიონული განვითარებისა და ინფრასტრუქტურის მინისტრმა ხაზი გაუსვა „კახეთის რეგიონული განვითარების პროგრამის“ მნიშვნელობას და იმედი გამოთქვა, რომ მსოფლიო ბანკთან თანამშრომლობა მომავალშიც ნაყოფიერი იქნება.
„მადლობა მინდა გადავუხადო მსოფლიო ბანკს ამ საპატიო ჯილდოსთვის. მოხარული ვარ, რომ წელს ერთ-ერთ საუკეთესო პროექტად „კახეთის რეგიონული განვითარების პროექტი დასახელდა“, – განაცხადა ელგუჯა ხოკრიშვილმა, – „ეს პროექტი, თავისი არსით იყო პირველი სრულიად განსხვავებული, ნოვატორული და კომპლექსური პროექტი. ღრმად ვარ დარწმუნებული, რომ მსგავსი სახის პროექტები და ნოვატორული მიდგომები, რომელსაც ჩვენ ერთად ვნერგავთ, რეგიონების ეკონომიკური პოტენციალის სრულად გამოყენებასა და ადგილობრივი მოსახლეობის ცხოვრების დონის გაზრდას მომა შეუწყობს ხელს.“
დაჯილდოვების ცერემონიას საქართველოს ეკონომიკისა და მდგარდი განვითარების მინისტრი, ვიცე-პრემიერი, გიორგი კვირიკაშვილი ესწრებოდა.
17.06.14