საქართველოს საგარეო საქმეთა მინისტრის მოადგილის თამარ ბერუჩაშვილი სამუშაო ვიზიტით კიევს ესტუმრა. ვიზიტის ფარგლებში შედგა ევროინტეგრაციის საკითხებზე მაღალი დონის პირველი კონსულტაციები საგარეო საქმეთა სამინისტროებს შორის. უკრაინის მხარეს ხელმძღვანელობდა საგარეო საქმეთა მინისტრის პირველი მოადგილე ნატალია გალიბარენკო.
შეხვედრაზე მხარეებმა განიხილეს ევროკავშირთან თანამშრომლობის მიმდინარე პრიორიტეტები და სამომავლო პერსპექტივები, მათ შორის ასოცირების შეთანხმების ეფექტურ განხორციელებასა და სავიზო ლიბერალიზაციასთან დაკავშირებული საკითხები. მხარეებმა ხაზი გაუსვეს ,,აღმოსავლეთ პარტნიორობის’’ შემდგომი გაძლიერების მნიშვნელობას.
შეხვედრაზე განხილულ იქნა ასევე საქართველოსა და უკრაინის ორმხრივი თანამშრომლობის თემატიკა. მხარეები შეთანხმდნენ ევროინტეგრაციის დღის წესრიგით გათვალისწინებული რეფორმების განხორციელების პროცესში მჭიდრო თანამშრომლობასა და გამოცდილების ურთიერთგაზიარებაზე. ამ კონტექსტში, ქართულმა მხარემ გამოთქვა მზადყოფნა გაუზიაროს საკუთარი გამოცდილება უკრაინას კორუფციის წინააღმდეგ ბრძოლის, სასამართლო და იუსტიციის სფეროს რეფორმების კუთხით.
შეხვედრისას მხარეებმა დაადასტურეს საქართველოსა და უკრაინის სუვერენიტეტისა დასაერთაშორისოდ აღიარებულ საზღვრებში ტერიტორიული მთლიანობისადმი მხარდაჭერა.
02.07.14