ცენტრალურმა საარჩევნო კომისიამ საზოგადოებას დღეს თვითმმართველობის არჩევნების მეორე ტურის შესახებ წარუდგინა ინფორმაცია. 12 ივლისს არჩევნები 8 თვითმმართველ ქალაქსა და 13 მუნიციპალიტეტში გაიმართება. ამომრჩეველთა საერთო რაოდენობა 28 საარჩევნო ოლქში სულ 1,715,514-ია.
ცესკოს მინფორმაციით, 12 ივლისის არჩევნებისთვის უკვე დაიწყო ბიულეტენების ბეჭდვის პროცესი; სულ 1,605,000 ბიულეტენი დაიბეჭდება, მათ შორის – 1,191,450 მერის და 413,550 გამგებლის (აქედან 5, 050 აზრებაიჯანულ ენაზე) ასარჩევი ბიულეტენები.
ასევე იწყება ამომრჩეველთა ბარათების დარიგების პროცესი, სადაც აღნიშნულია თუ რომელ საარჩევნო უბანს უნდა მიაკითხონ ამომრჩევლებმა ხმის მისაცემად. იმ შემთხვევაში თუ ამომრჩევლებს ჯანმრთელობის მდგომარეობის გამო ან სხვა მიზეზით არ შეუძლიათ საარჩევნო უბანზე მისვლა, უნდა დაუკავშირდნენ შესაბამის უბანს 9 ივლისის 18:00 საათის ჩათვლით. დამატებითი ინფორმაციის მისაღებად ამომრჩევლებს ასევე შეუძლიათ დაუკავშირდნენ ცესკოს კონტაქტ-ცენტრის ნომერზე – 2 51 00 51.
როგორც ცესკოს სპიკერმა ეკატერინე აზარაშვილმა დღეს გამართულ საინფორმაციო ბრიფინგზე ჟურნალისტებს განუცხადა 15 ივნისის არჩევნებისთვის რეგისტრირებულ სადამკვირვებლო და მედია ორგანიზაციებს შეუძლიათ მონიტორინგი გაუწიონ არჩევნების მეორე ტურებს.
დამკვირვებლების ან ჟურნალისტების დამატებითი სიების წარდგენის შემთხვევაში, სადამკვირვებლო ორგანიზაციებმა შესაბამის საარჩევნო კომისიებს 7 ივლისის ჩათვლით უნდა მიმართონ, ხოლო მედია ორგანიზაციებმა – 9 ივლისის ჩათვლით.
მერის არჩევნები / კანდიდატები:
ქალაქი |
კანდიდატები |
|
1 | თბილისი | №41 დავით ნარმანია (”ქართული ოცნება”)
№5 ნიკანორ მელია (”ერთიანი ნაციონალური მოძრაობა”)
|
2 | რუსთავი | №41 დავით ჯიქია (”ქართული ოცნება”)
№5 მამუკა ჩიქოვანი (”ერთიანი ნაციონალური მოძრაობა”)
|
3 | მცხეთა | №41 ავთანდილ ნემსიწვერიძე (”ქართული ოცნება”)
№6 დავით მაჩხანელი (”გიორგი გაჩეჩილაძე – მწვანეთა პარტია”)
|
4 | გორი | №41 ზურაბ ჯირკველაშვილი (”ქართული ოცნება”)
№14 კახაბერ ერგემლიძე (”ირაკლი ოქრუაშვილი -ქართული პარტია”)
|
5 | თელავი | №41 პლატონ კალმახელიძე (”ქართული ოცნება”)
№5 ალექსი ძულიაშვილი (”ერთიანი ნაციონალური მოძრაობა”)
|
6 | ოზურგეთი | №41 ბეგლარ სიორიძე (”ქართული ოცნება”)
№8 შოთა გოგიბერიძე (”დავით თარხან-მოურავი – საქართველოს პატრიოტთა ალიანსი”)
|
7 | ბათუმი | №41 გიორგი ერმაკოვი (”ქართული ოცნება”)
№5 გიორგი დიასამიძე (”ერთიანი ნაციონალური მოძრაობა”)
|
8 | ფოთი | №41 ირაკლი კაკულია (”ქართული ოცნება”)
№8 უშანგი გეგენავა (”დავით თარხან-მოურავი – საქართველოს პატრიოტთა ალიანსი”)
|
გამგებლების არჩევნები / კანდიდატები:
რეგიონი | კანდიდატები | |
1 | ახმეტა | №41 ბექა ბაიდაური (”ქართული ოცნება”)
№ 3 ზურაბ ფილაშვილი (”ნინო ბურჯანაძე -ერთიანი ოპოზიცია”)
|
2 | ყვარელი | №41 ილია მზექალაშვილი (”ქართული ოცნება”)
№5 ხატია დეკანოიძე (”ერთიანი ნაციონალური მოძრაობა”)
|
3 | გორი | №41 დავით ონიაშვილი (”ქართული ოცნება”)
№14 ბონდო ვათიაშვილი (”ირაკლი ოქრუაშვილი -ქართული პარტია”)
|
4 | თიანეთი | №41 ლელა ქიტესაშვილი (”ქართული ოცნება”)
№3 ილია არჩემაშვილი (”ნინო ბურჯანაძე -ერთიანი ოპოზიცია”)
|
5 | მარტვილი | №41 ალექსანდრე გრიგალავა (”ქართული ოცნება”)
№3 დავით ინჯია (”ნინო ბურჯანაძე -ერთიანი ოპოზიცია”)
|
6 | ქობულეთი | №41 სულხან ევგენიძე (”ქართული ოცნება”)
№5 რევაზ ხარაზი (”ერთიანი ნაციონალური მოძრაობა”)
|
7 | ბაღდათი | №41 ირაკლი გეგეშიძე (”ქართული ოცნება”)
№ 18 მევლუდ კიკნაველიძე (”სალომე ზურაბიშვილი-საქართველოს გზა”)
|
8 | ხონი | №41 ჯემალ მებუკე (”ქართული ოცნება”)
№5 ზურაბ ჯიბუხაია (”ერთიანი ნაციონალური მოძრაობა”)
|
9 | ტყიბული | №41 რობიზონ გვენეტაძე (”ქართული ოცნება”)
№3 თენგიზ ჭიქაბერიძე (”ნინო ბურჯანაძე -ერთიანი ოპოზიცია”)
|
10 | ლანჩხუთი | №41 ზაზა ურუშაძე (”ქართული ოცნება”)
№8 ბარნაბ ჭყონია (”დავით თარხან-მოურავი – საქართველოს პატრიოტთა ალიანსი”)
|
11 | თერჯოლა | №41 თეიმურაზ ჯაფარიძე (”ქართული ოცნება”)
№5 ტარიელ ფანჩულიძე (”ერთიანი ნაციონალური მოძრაობა”)
|
12 | თელავი | №41 ალექსანდრე შათირიშვილი („ქართული ოცნება”)
№5 გიორგი ბოტკოველი (”ერთიანი ნაციონალური მოძრაობა”)
|
13 | ხულო | №41 ბესიკ ბაუჩაძე (”ქართული ოცნება”)
№8 ემზარ ბოლქვაძე (”დავით თარხან მოურავი – საქართველოს პატრიოტთა ალიანსი”)
|
07.07.14