გადაიზრდება თუ არა დაზვერვის თანამშრომლის დაკავება დიპლომატიურ სკანდალში გერმანია-ამერიკას შორის – ანგელა მერკელი პეკინში აცხადებს, რომ იმ შემთხვევაში, თუ გერმანიაში დაკავებული დაზვერვის ადგილობრივი სამსახურის თანამშრომელი მართლაც ამერიკის ჯაშუში აღმოჩნდება, შეერთებულ შტატებთან გერმანიის პარტნიორული თანამშრომლობის პერსპექტივა კითხვის ნიშნის ქვეშ დადგება.
გერმანიის პროკურატურამ უკვე განაცხადა, რომ 31 წლის დაკავებული გერმანელი ეჭვმიტანილია უცხო ქვეყნების სასარგებლოდ ჯაშუშობაში.
გამოძიების ვერსიით, ის აგროვებდა ინფორმაციას გერმანიის საპარლამენტო კომისიის შესახებ, რომელიც შეერთებული შტატების დაზვერვის მუშაობას იკვლევდა.
მომხდართან დაკავშირებით, ჯერჯერობით კომენტარი არ გაკეთებულა ვაშინგტონში.
07.07.14
