მნიშვნელობა არ აქვს ვინ გაიმარჯვა დღეს, მე შემიძლია დაგარწმუნოთ, რომ ჩვენმა ქვეყანამ გაიმარჯვა, – ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა. მისი თქმით, დღევანდელი დღე – ადგილობრივი თვითმმართველობის არჩევნების მეორე ტური წარმატები ჩატარდა.
“მნიშვნელობა არ აქვს თუ ვინ გაიმარჯვა დღეს, მე შემიძლია დაგარწმუნოთ, რომ ჩვენმა ქვეყანამ გაიმარჯვა. მე მინდა ვაცნობო საზოგადოებას, რომ არჩევნებმა მშვიდ ვითარებაში ჩაიარა. ყველა ამომრჩეველს მიეცა საკუთარი არჩევანის თავისუფლად გამოხატვის საშუალება და კიდევ ერთხელ მინდა განვაცხადო, დღეს ჩვენ დავადასტურეთ, რომ ჩვენ ვამკვიდრებთ დემოკრატიული, სამართლიანი, გამჭვირვალე არჩევნების პრაქტიკას საქართველოში”, – აღნიშნა პრემიერმა.
მან მადლობა გადაუხადა ყველას, ვინც არჩევნებში მიიღო მონაწილეობა და საკუთარი მოქალაქეობრივი ვალი მოიხადა. განსაკუთრებული მადლობა კი ირაკლი ღარიბაშვილმა ცენტრალურ საარჩევნო კომისიას, მის ხელმძღვანელობას, მთელ საარჩევნო ადმინისტრაციასა და ოლქების წარმომადგენლებს გადაუხადა.
“ამ ხალხმა 24 საათიან რეჟიმში იმუშავა იმისთვის, რომ არჩევნების მეორე ტური ყოფილიყო ისეთივე დონის, როგორც ეს 15 ივნისს იყო და ჩვენ ვართ დარწმუნებული, რომ მეორე ტურსაც ასეთივე შეფასება მოჰყვება საერთაშორისო სადამკვირვებლო ორგანიზაციების მხრიდან”, – აღნიშნა პრემიერმა.
მისივე თქმით, რამდენიმე საათში უკვე ცნობილი იქნება არჩევნების წინასწარი შედეგი და დარწმუნებულია, რომ “ქართული ოცნება” მეორე ტურშიც გაიმარჯვებს. “მაგრამ კიდევ ერთხელ მინდა ხაზი გავუსვა იმას, რომ ამ არჩევნების წარმატებით ჩატარებით ჩვენმა ქვეყანამ გაიმარჯვა. ეს ჩვენი ქვეყნის შემდგომი განვითარები.
12.07.14
