დიდი ბრიტანეთის საგარეო საქმეთა მინისტრი უილიამ ჰეიგი თანამდებობიდან გადადგა. ამის შესახებ “ბიბისი” იუწყება. დიდი ბრიტანეთის ხელისუფლების ინფორმაციით , 2015 წლის მაისის საპარლამენტო არჩევნებამდე უილიამ ჰეიგი კვლავ რჩება თემთა პალატის ლიდერად.
“ოთხწლიანი საქმიანობის შემდეგ, დღეს საგარეო საქმეთა მინისტრის პოსტს ვტოვებ, რათა მუშაობა გავაგრძელო თემთა პალატის ლიდერად”, – დაწერა უილიამ ჰეიგმა “ტვიტერზე”.
უილიამ ჰეიგი დიდი ბრიტანეთის საგარეო საქმეთა მინისტრის პოსტს 2010 წლიდან იკავებდა.
“ბიბისის” ცნობით, უილიამ ჰეიგს სავარაუდოდ, დიდი ბრიტანეთის თავდაცვის მინისტრი ფილიპ ჰემონდი შეცვლის.
ამასთან, უილიამ ჰეიგის გადადგომა დიდი ბრიტანეთის მთავრობაში განსახორციელებელი ცვლილებების ნაწილია. ჰეიგის გარდა, თანამდებობას დიდი ბრიტანეთის კიდევ რამდენიმე მინისტრი დატოვებს.
15.07.14