პრეზიდენტი პარლამენტის რიგგარეშე სხდომას დღის მეორე ნახევარში შეუერთდება. ამის შესახებ პარლამენტის თავმჯდომარემ დავით უსუფაშვილმა განაცხადა.
17:00 საათისათვის პარლამენტის ტრიბუნას მიწვეული სტუმრები დაიკავებენ. კენჭისყრის დაწყებამდე დეპუტატებს პრემიერ-მინისტრი ირაკლი ღარიბაშვილი მიმართავს.
სხდომაზე მიწვეული არიან ევროკომისარი შტეფან ფულე, ლატვიისა და ბულგარეთის საგარეო საქმეთა მინისტრები და ავსტრიის პარლამენტის თავმჯდომარის მოვალეობის შემსრულებელი.
კენჭისყრის დასრულების შემდეგ გაიმართება საზეიმო ღონისძიება.
დღეს საქართველოს პარლამენტში ევროკავშირთან ასოცირების ხელშეკრულების რატიფიცირება მოხდება.
18.07.14
