სომხეთის მთავრობამ საქართველოს პრემიერ-მინისტრ ირაკლი ღარიბაშვილს დარიალის ხეობაში სტიქიის შედეგების ლიკვიდაციაში დახმარება შესთავაზა, – ამის შესახებ საქართველოსა და სომხეთის მთავრობის წევრების გაფართოებულ შეხვედრაზე გახდა ცნობილი.
საქართველოს მთავრობის მეთაურმა ჰოვიკ აბრაჰამიანს შეთავაზებისთვის მადლობა გადაუხადა.
გაფართოებული შეხვედრის ერთ-ერთი მთავარი თემა სომხეთ-საქართველოს შორის არსებული ურთიერთობები და ამ ურთიერთობების გაღრმავების გზები იყო.
საქართველოს მხრიდან შეხვედრას ესწრებოდნენ ეკონომიკის მინისტრი ვიცე-პრემიერი გიორგი კვირიკაშვილი, ენერგეტიკის მინისტრი ვიცე-პრემიერი კახი კალაძე, საგარეო საქმეთა მინისტრი მაია ფანჯიკიძე, ასევე პარლამენტის წევრი რუსლან პოღოსიანი და მთავრობის ადმინისტრაციის უფროსის მოადგილე ნინო კობახიძე; სომხური მხრიდან კი – იუსტიციისა და ენერგეტიკის მინისტრები, საგარეო საქმეთა და ეკონომიკის მინისტრების მოადგილეები და სომხეთის ელჩი საქართველოში.
21.08.14