ავსტრიის რესპუბლიკაში საქართველოს საელჩომ, კლოსტერნოიბურგის მონასტრის დაარსებიდან 900 წლის იუბილესთან დაკავშირებით გამართულ ღვინის გამოფენაზე, ქართული ღვინის კუთხე მოაწყო, სადაც დამთავლიერებელს საშუალება ჰქონდა ქართული ღვინის, კულტურისა და ტრადიციების შესახებ გერმანულენოვანი ბროშურები და ლიტერატურული მასალა მიეღო.
იუბილეზე მსოფლიოს ცნობილ ღვინის მწარმოებლებთან ერთად მიწვეული იყვნენ მეექვსე საუკუნეში დაარსებული ალავერდის მონასტრის წარმომადგენლები, რომლებიც „ბერების ღვინოს” მეთერთმეტე საუკუნის ტრადიციის მიხედვით აწარმოებენ.
კლოსტერნოიბურგის იუბილესთან დაკავშირებით, ალავერდის მონასტრის ძმობამ მონასტერს საჩუქრად 72 ბოთლი „ბერების ღვინო” გადასცა. ქართული ღვინის დეგუსტაციას ალავერდის მონასტრის მარნის მეღვინეთუხუცესი, მონოზონი გერასიმე (ოთარაშვილი) უძღვებოდა.
კლოსტერნოიბურგის მონასტერი დიდი ტრადიციის მქონე უძველესი ღვინის მწარმოებელი მონასტერია, რომელიც 1114 წლიდან დღემდე რამდენიმე სახეობის ღვინოს აწარმოებს.
02.09.14
