უკრაინის პრეზიდენტის პრესსამსახურის ინფორმაციით, პეტრე პოროშენკოსა დავლადიმერ პუტინს შორის სატელეფონო საუბარი შედგა.
„საუბრის შედეგად, მიღწეულ იქნა შეთანხმება დონბასში ცეცხლის შეწყვეტის თაობაზე. მიღწეულ იქნა კონსესუსი იმ ნაბიჯებზე, რომლებიც ხელს შეუწყობს მშვიდობის დამყარებას“, – ნათქვამია უკრაინის პრეზიდენტის პრესსამსახურის განცხადებაში.
სატელეფონო საუბრის შესახებ კომენტარი გააკეთა რუსეთის პრეზიდენტის პრესსპიკერმაც დიმიტრი პესკოვმა. მისი თქმითაც, ორი ქვეყნის ლიდერმა ცეცხლის შეწყვეტისთვის საჭირო ნაბიჯებზე ისაუბრეს. მისივე თქმით, პოროშენკოს და პუტინის ხედვები ამ საკითხში ძირითადად ემთხვევა.
03.09.14
