საქართველოს პრემიერ-მინისტრი ირაკლი ღარიბაშვილი აცხადებს, რომ გაერო-ს ასამბლეაზე აუცილებლად გაემგზავრება. რაც შეეხება პრეზიდენტის გაეროში ვიზიტს , პრემიერი ამაზე ინფორმაციას არ ფლობს. მისი თქმით, ამ საკითხს აუცილებლად გაარკვევენ.
“არა მარტო მე, არამედ მოსახლეობაც დაიღალა ამ თემაზე საუბრით, უნდა ვიფიქროთ საქმეებზე, ეკონომიკის განვითარებაზე. რაც შეეხება ვიზიტს, აუცილებლად გავემგზავრები. დანარჩენს აუცილებლად გაარკვევენ”, – განაცხადა ირაკლი ღარიბაშვილმა.
საქართველოს საგარეო საქმეთა მინისტრი მაია ფანჯიკიძე დღეს გიორგი მარგველაშვილს შეხვდა, რათა, როგორც თავად ფანჯიკიძემ აცხადებს, დაერწმუნებინა პრეზიდენტი, რომ გაერო-ში ორი დელგაციის წასვლა მიზანშეწონილი არ არის. თუმცა ამ შეხვედრის შემდეგ პრეზიდენტის მრჩეველმა, თენგიზ ფხალაძემ განცახადა, რომ პრეზიდენტი პოზიციას არ ცვლის და ვიზიტისთვის მზადება გრძელდება.
გაერო-ს გენერალური ასამბლეაზე ირაკლი ღარიბაშვილის სიტყვით გამოსვლა 26 სექტემბრისთვის არის დაგეგმლი. ამავე ასამბლეის ფარგლებში, კლიმატის შესახებ სამიტზე გიორგი მარგველაშვილის სიტყვით გამოსვლა იგეგმებოდა, თუმცა საქართველოს საგარეო საქმეთა სამინისტროში გასულ კვირაში განაცხადეს, რომ ამ სამიტზეც სიტყვით პრემიერი გამოვა და საგარეო უწყება გაერო-ში პრეზიდენტის ვიზიტის მოსამზადებლად არ მუშაობს.
10.09.14
