შვედეთის პრემიერ-მინისტრმა გადადგომის შესახებ განაცხადა, შესაბამისად გადადგა მთვარობაც. ამის შესახებ “იტარ-ტასი” იუწყება. შვედეთის პრემიერ-მინისტრმა ფრედრიკ რეინფელდტმა არჩევნებში დამარცხება აღიარა.
წინასწარი მონაცემებით, მისმა პარტიამ და მემარჯვენე ბლოკმა “ალიანსმა შვედეთისთვის” საპარლამენტო არჩევნებზე მანდატების უმრავლესობა ვერ მოიპოვეს.
“წინასაარჩევნო ბრძოლა დასრულდა. ხალხმა თავისი არჩევანი გააკეთა”,-აღნიშნა შვედეთის უკვე ყოფილმა პრემიერმა.
რეინფელდტმა განაცხადა, რომ დატოვებს თავისი პარტიის ლიდერის პოსტსაც.
ამასთან, შვედეთის მთავრობის შემადგენლობაში იყო საგარეო საქმეთა მინისტრი კარლ ბილდტიც, რომელიც ბოლო პერიოდში მკაცრად აკრიტიკებდა საქართველოს ხელისუფლებას მიხეილ სააკაშვილის წინააღმდეგ სისხლის სამართლებრივი დევნის დაწყების გამო. გარდა ამისა, პრესაში, მათ შორის – შვედურ მედიაში გავრცელდა მასალები, რომელიც ბილდტსა და სააკაშვილს შორის არსებულ კავშირებზე მიუთითებდა.
15.09.14
