ნატო-ს გენერალური მდივანი ანდერს ფოგ რასმუსენს თანამდებობაზე ვადა ეწურება და ნატო-ს შტაბბინას დღეს დატოვებს. ინფორმაციას ამის შესახებ ნატო-ს ოფიციალური ვებგვერდი ავრცელებს.
ალიანსის პრესსამსახურის ინფორმაციით, ანდერს ფოგ რასმუსენი დღეს ნატო-ს შტაბბინაში გამოსამშვიდობებელი სიტყვით გამოვა.
“გენერალური მდივანი დაემშვიდობება თანამშრომლებსა და საერთაშორისო შტაბის წევრებს. ასევე, გვირგვინით შეამკობეს ნატო-ს ოპერაციებში დაღუპული სამხედროების მემორიალს”, – ნათქვამია ნატო-ს პრესსამსახურის გავრცელებულ ინფორმაციაში.
დანიის ყოფილი პრემიერ-მინისტრი ანდერს ფოგ რასმუსენი ნატო-ს მე-12 გენერალური მდივანი იყო, 2009 წლის 1 აგვისტოდან. ნატო-ს გენერალური მდივნის პოსტზე მისი ვადა 30 სექტემბერს ამოიწურება. 1 ოქტომბრიდან რასმუსენს ნორვეგიის ყოფილი პრემიერ-მინისტრი იენს სტოლტენბერგი შეცვლის.
26.09.14
