საქართველოს ფიზიკური აღზრდისა და სპორტის სახელმწიფო სასწავლო უნივერსიტეტში დღეს სწავლა დაიწო. როგორც “თბილისი თაიმსს” სპორტისა და ახალგაზრდობის საქმეთა სამინისტროდან აცნობეს, ამასთან დაკავშირებით მინისტრი ლევან ყიფიანი, მოადგილე თამაზ თევზაძე, სპორტის დეპარტამენტის უფროსი ირაკლი დოლაბერიძე, ოლიმპიური კომიტეტის პრეზიდენტი ლერი ხაბელოვი და უნივერსიტეტის რექტორი გურამ ძაგანია სტუდენტებს შეხვდნენ და სწავლის დაწყება მიულოცეს.
საქართველოს ფიზიკური აღზრდისა და სპორტის სახელმწიფო სასწავლო უნივერსიტეტი პირველი სპორტული საგანმანათლებლო დაწესებულება იყო და მას ქართული სპორტის აღორძინებაში განსაკუთრებული წვლილი მიუძღვის. უნივერსიტეტის კურსდამთავრებულები არიან ისეთი სახელოვანი სპორტსმენები, როგორებიც არიან მოჭიდავეები გივი კარტოზია, დავით ციმაკურიძე, გოგი სხირტლაძე, ვახტანგ ბლაგიძე, მუხრან ვახტანგაძე; ოლიმპიური ჩემპიონი ძალოსანი – რაფაელ ჩიმიშკიანი, მოცურავე – ბორის ნიკიტინი, მაგიდის ჩოგბურთი – სარქის სარხოიანი; ფეხბურთელები – ბორის სიჭინავა, ნოდარ ლეჟავა, გოჩა გავაშელი. 2009 წელს უნივერსიტეტი დაიხურა და ბაზები გაიყიდა, მაგრამ 2014 წელს სპორტისა და ახალგაზრდობის საქმეთა სამინისტროს და პარლამენტის შესაბამისი დარგობრივი კომიტეტის თაოსნობითა და ძალისხმევით, უნივერსიტეტმა ფუნქციონირება დაიწყო.
29.09.14
