საპარლამენტო უმცირესობის წევრის ნუგზარ წიკლაური განცხადებით, ქვეყნის ხელისუფლებას არავინ არაფერს ეკითხება და ქვეყანას რეალურად მხოლოდ ერთი ადამიანი მართავს.
დეპუტატის თქმით, „ქართულმა ოცნებამ“ ორი წლის წინ ტყუილი დაპირებებით მოახერხა საზოგადოების შეცდომაში შეყვანა და ქვეყნის ხელისუფლებაში მოსვლა.
„არავინ არაფერს ქვეყანაში არ ეკითხება მინისტრებს, არავინ არაფერს გეკითხებათ, არავინ არაფერს ეკითხება ღარიბაშვილს და ქვეყანას მარიონეტივით მართავს ერთი ადამიანი. ორ წელიწადში ჩვენი მივიღეთ მილიარდერი, რომელიც კიდევ უფრო გამდიდრდა და მოსახლეობა უკიდურესად გააღატაკა. ახლა უკვე პირდაპირ ოფისში იჭრებით უვე ადამიანებთან, რადგან არ შეგიძლიათ რაიმე დაუპირისპიროთ იმ უკმაყოფილებას, რაც ქვეყანაშია თქვენი ხელისუფლების მიმართ. „ოცნებამ“ ორი წლის წინ ქვეყნის საუბედუროდ, თავისი პოლიტიკური ბედნიერება უმანკო ბავშვის ბარბარე რაფალიანცის უბედურებაზე ააგო და ახლა აგრძელებს პატრიოტებზე თავდასხმას,“ – აღნიშნავს წიკლაური.
01.10.14
