ალექსი პეტრიაშვილმა გადადგომის შესახებ საქართველოს პრემიერ-მინისტრს უკვე მიმართა. ამის შესახებ ჟურნალისტებს თავად პეტრიაშვილმა განუცხადა. მისი გამარტებით, ის აპარატის თანამშრომლებსაც შეხვდა და მათ გაწეული სამუშაოსთვის მადლობა გადაუხადა. “ცოტა ხნის წინ მივმართე პრემიერ-მინისტრს წერილობით, დააკმაყოფილოს ჩემი განცხადება გადადგომის შესახებ. ასევე, მქონდა შეხვედრა აპარატის თანამშომლებთან და მე მათ მადლობა გადავუხადე გაწეული სამუშაოსთვის. ისინი დაუღალავად და თავდაუზოგავად შრომობენ, რათა საქართველოს საგარეო პოლიტიკური პრიორიტეტები შეუფერხებლად ასრულდეს. მათი წვლილი ძალიან დიდია იმ მიღწევაში, რომელიც დადგა ჩვენი ქვეყნის საგარეო პოლიტიკური გუნდის ერთობლივი ძალისხმევით. ეს არის ასოცირების შეთანხმება, ნატოს უელსის სამიტზე მიღებული გადაწყვეტილება, რომელთა აღსრულებას სჭირდება სწორედ ამ ადამიანების ენერგია და შრომა”, – განაცხადა პეტრიაშვილმა. იგი პრემიერსაც მიმართავს და მოუწოდებს, რომ აღნიშნული კურსით სვლა განაგრძოს. “მე მოვუწოდებ საქრათველოს მთავრობას და მის ხელმძღვანელს, რომ მიუხედავად კოალიციური შიდა პროცესებისა, განაგრძოს ეს პროცესი და არც ერთი ნაბიჯით არ დაიხოს ამ პროსცესისგან უკან”, – დასძინა ალექსი პეტრიაშვილმა. 05.11.14
