”როიტერის” თანახმად, ოთხშაბათს იერუსალიმში ისრაელის უსაფრთხოების ძალებსა და პალესტინელებს შორის დაპირისპირება მოხდა. ისრაელის პოლიციის განცხადებით, პალესტინელებმა მათი მისამართით ქვები ისროლეს.
”პოლიცია შევიდა იერუსალიმში და ნიღბიანმა პირებმა უკან, ალ-აქსას მეჩეთისკენ დაიხიეს. პოლიციამ მეჩეთის წინა ჭიშკარი ჩაკეტა, თუმცა შიგნით არ შესულა,”-განაცხადა პოლიციის წარმომადგენელმა მიკი როზენფილდმა.
მისი თქმით, ამ დროისათვის ვითარება კონტროლს ექვემდებარება. მეჩეთის პალესტინელი მენეჯერის ომარ ალექსვანის თქმით კი, პოლიცია ალ-აქსაში შევიდა და შეტაკების შედეგად ოცი ადამიანი დაშავდა.
05.11.14