“ახლა ყველაზე რთულ სიტუაციაში თავად ირაკლი ღარიბაშვილია. შეძლებს თუ არა, ის დაიბრუნოს ავტორიტეტი. თავდაცვის მინისტრის ახალი კანდიდატის მიმართ გაჩენილი კითხვები, საკმაოდ ბევრი იქნება და ეს ასე ადვილად არ მიფუჩეჩდება,“ – ამის შესახებ „თბილისი თაიმსს“ ექსპერტმა პოლიტიკურ საკითხებში სოსო ცისკარიშვილმა განუცხადა.
ექსპერტი თვლის, რომ რაც უფრო დროულად გააცნობიერებს ირაკლი ღარიბაშვილი თუ, რა მდგომარეობაშია მოხვედრილი მისთვის უკეთესი იქნება. “თუკი ამ გადაწყვეტილებით ვინმე დაზიანდა ეს გახლავთ ქვეყანა, რომელსაც ქვია საქართველო. საქართველოს გააჩნია საკუთარი პოლიტიკური განვითარების ვექტორი. ჯერ ისტერიული, სამარცხვინო ნაბიჯი პროკურატურისა. მათ 2 წელიწადი რაღაც საქმეები აქვთ გაუხსნელი და ერთ დღეში სამი საქმე გახსნეს. ასეთი თავდასხმა, სახელს უტეხს უპირველეს ყოვლის ჩვენს ახალგაზრდა, გამოუცდელ პრემიერ-მინისტრს. ეს ყველაფერი, კი შედეგია იმ დათვური სამსახურისა, რომელიც ამ თანამდებობაზე დანიშვნით მას გაუწია მისმა წინამორბედმა. ახლა ყველაზე რთულ სიტუაციაში თავად ირაკლი ღარიბაშვილია. შეძლებს თუ არა ის დაიბრუნოს ავტორიტეტი. თავდაცვის მინისტრის ახალი კანდიდატის მიმართ გაჩენილი კითხვები საკმაოდ ბევრი იქნება და ეს ასე ადვილად არ მიფუჩეჩდება. მითუმეტეს სტრატეგიული განვითარების ვექტორები იმდენად მგრძნონიარეა ჩვენი საზოგადოებისათვის, რომ რაიმე ტიპის ღალატი ძალიან სერიოზული ლაქა იქნება ერისათვის. რაც უფრო, დროულად გააცნობიერებს ირაკლი ღარიბაშვილი თუ რა მდგომარეობაშია მოხვედრილი მისთვის უკეთესი იქნება. რამ აიძულა იგი, რომ თავდაცვის მინისტრად დაინიშნოს არა სამოქალაქო პირი, როგორც ეს კონსტიტუციით არის გათვალისწინებული, არამედ ოფიცერი რომლის ბიოგრაფიოაში ყვირის ფაქტი მისი კონტრდაზვერვის ხელმძღვანელობისა. ახალ უფრო ნათელი გახდება, რატომ აქვს ძალიან ბევრი პრეტენზია საქართველო დემოკრატიას არსებულ კონტრდაზვერვის სამსახურთან. კონტრდაზვერვის დეპარტამენტს სერიოზული ანგარიშით წარდგენა მოუწევს საზოგადოების წინაშე. რაიმეს გრიფით საიდუმოთი მიფუჩეჩება არის მხოლოდ თავდაცვის გზა. მარტო დღევანდელი მოვლენა არ არის, როდესაც კადრები არ იცვლებიან, სხვადასხვა დანაშაულის ხელშემწყობლი კვლავ იქ არიან სადაც იყვნენ და ა.შ. ეს ფაქტები არსებობს და ასე დუმილს სამოქალაქო საზოგადოება არ აპირებს,” – განმარტავს ცისკარიშვილი. შეგახსენებთ, რომ გუშინ პრემიერ-მინისტრმა ირაკლი ღარიბაშვილმა, თანამდებობიდან თავდაცვის მინისტრი – ირაკლი ალსანია გადააყენა და მის ნაცვლად მინდია ჯანელიძის კანდიდატურა წამოაყენა. მინდია ჯანელიძე, მანამდე სახელმწიფო უსაფრთხოებისა და კრიზისების მართვის საბჭოს ხელმძღვანელის პოსტს იკავებდა. 05.11.14 ანო მუქათარიძე
