დღეს, ახალგაზრდა ანალიტიკოსთა და მენციერთა დარბაზმა – „დოქტრინა“ ეკონომიკური ფორუმი გამართა. შეხვედრა თემაზე „ქართული ღვინის ეკონიმიკა – გამოწვევები და საფრთხეები მსოფლიო ბაზარზე“ თბილისი მერიოტში გაიმართა.
ფორუმზე მოხდა უახლესი კვლევის პრეზენტაცია, სადაც წარმოდგენილი იყო ქართული ღვინის ექსპორტის შედარებითი ანალიზი, მის კონკურენტებთან მიმართებაში. კვლევაში აღწერილი იყო თუ რა ადგილს იკავებს ქართული ღვინო მსოფლიო ბაზარზე, რომელი ქვეყნებია მისი უშუალო კონკურენტები და რა პარამეტრებშია ხარვეზები.
ფორუმის ორგანიზატორების განცხადებით, კვლევის შედეგმა აჩვენა, რომ 2013 წელს საქართველოში დაახლოებით 170 ღვინის მწარმოებელი კომპანია ფუნქციონირებდა. მათ შორის ბრუნვის წამყვან პოზიციას იკავებს სს „თელავის ღვინის მარანი“, რომელმაც დასაქმებულთა რაოდეობის მიხედვით მესამე პოზიცია დაიკავა. საქართველოში გასულ წელს განხორციელებული ღვინის ექსპორტი დაახლოებით 1310-ჯერ აღემატებოდა იმპორტის მაჩენებელს.
ამასთანავე, ფორუმზე წარმოდგენილი იყო საქსტატის მონაცემები, რომლის მიხედვითაც 2014 წლის სექტემბერში 1 ლიტრი ჩამოსასხმელი ღვინის საშუალო საბაზრო ფასი 2,88 ლარით განისაზღვრა, ხოლო 0,75 ლიტრი მოცულობის ბოთლებში ჩამოსხმული ღვინის საშუალო ფასი 10,5 ლარით.
ფორუმზე ასევე განხილულ იქნა, ისეთი ქვეყნების ღვინის საექსპორტო პოლიტიკა, როგორიცაა რუსეთი, უკრაინა, ყაზახეთი და გერმანია.
შეხვედრას ესწრებოდნენ ეკონომიკის ექსპერტები, ღვინის ექსპორტიორი კომპანიების წარმომადგენლები და დაინტერესებული მხარეები. პრეზენტაციის დასრულების შემდეგ მხარეებმა დისკუსია გამართეს.
14.11.14
