ზუგდიდის სასამართლოს გადაწყვეტილებით, კოდორის ხეობაში პრეზიდენტის ყოფილ რწმუნებულს ემზარ კვიციანს 12 წლით პატიმრობა შეეფარდა. კვიციანის ადვოკატი განაჩენის გასაჩივრებას ქუთაისის სააპელაციო სასამართლოში გეგმავს.
„რა თქმა უნდა, ჩვენ ვაპირებთ ამის გასაჩივრებას. სამწუხარო ერთი რამ არის, სააკაშვილის ხელისუფლებამ შეუკერა საქმე, არც კვალიფიკაციით, არც გამოძიებით არ დასტურდება ემზარ კვიციანის არავითარი ბრალეულობა და დღევანდელმა ხელისუფლებამ ის ასე გაიმეტა“,-აცხადებს ადვოკატი რევაზ კახნიაური.
შეგახსენებთ, რომ ემზარ კვიციანს შეიარაღებული გადატრიალების მცდელობისა და უკანონო დაჯგუფების ფორმირებისთვის ოფიციალურად 2006 წელს დასდეს ბრალი.
კვიციანი 2006 წლიდან იძებნებოდა. მას პატიმრობა დაუსწრებლად წინა ხელისუფლების დროს მიესაჯა. მიმდინარე წლის 28 თებერვალს კი, მას შემდეგ, რაც საქართველოს საზღვარი გადმოკვეთა, სამართალდამცველებმა ის აეროპორტში დააკავეს.
17.11.14
