ხვალ 14:00 საათზე, სასტუმრო თბილისი მერიოტში ახალგაზრდა ანალიტიკოსთა და მეცნიერთა დარბაზი „დოქტრინა“ გამართავს ფორუმს „ქართული თხილი მსოფლიო ბაზარზე – გამოწვევები და საფრთხეები”
როგორც “თბილისი თაიმსს” ორგანიზატორებმა აცნობეს, ფორუმზე მოხდება უახლესი კვლევის პრეზენტირება, სადაც წარმოდგენილია ქართული თხილის ექსპორტის შედარებითი ანალიზი (ფასი, რაოდენობა, შემოსავალი) უშუალო კონკურენტებთან მიმართებაში. კვლევაში აღწერილია, თუ რა ადგილს იკავებს ქართული თხილი მსოფლიო ბაზრებზე, რომელი ქვეყნებია მისი უშუალო კონკურენტები.
გაიმართება მსჯელობა შემდეგ საკითხებზე:
- რა საფრთხეების და გამოწვევების წინაშე დგას დღეს ქართული თხილის ეკონომიკა მსოფლოში.
- როგორია სამომავლო პროგნოზები საექსპორტო პერსპექტივებთან დაკავშირებით.
- რა უნდა გაკეთდეს იმისათვის, რომ ქართულმა თხილმა და მსგავსი ჯგუფის პროდუქციამ მსოფლიოს და ევროპის ბაზარზე მნიშვნელოვანი ადგილი დაიკავოს.
ფორუმს დაესწრებიან ეკონომიკის ექსპერტები, დარგის სპეციალისტები, ექსპორტიორი კომპანიების წარმომადგენლები და დაინტერესებული მხარეები.
27.11.14
Discussion about this post