იტალიაში საქართველოს სუფთა ექსპორტმა ახალ ისტორიულ მაქსიმუმს მიაღწია

ახალგაზრდა ანალიტიკოსთა და მეცნიერთა დარბაზმა „დოქტრინა“ გამართა ფორუმი „საქართველო ევროკავშირის ბაზარზე – იტალიის ანგარიში”.

ფორუმზე განხორციელდა უახლესი კვლევის პრეზენტაცია, სადაც წარმოდგენილი იყო საქართველო იტალიის საგარეო ვაჭრობის მრავალპლანიანი ანგარიში.

ანგარიშის მიედვით, 2013 წელს ჩვენი ქვეყნის  ექსპორტის მოცულობამ იტალიაში  ისტორიულ მაქსიმუმს მიაღწია და 81,5 მლნ აშშ დოლარი შეად­გინა, რაც წინა წლის მაჩვენებელს 52,8%-ით, ხოლო გასული 13 წლის (2000-2012 წლების) საშუალო მაჩვენებელს 3,3-ჯერ აღემატება.

2013 წელს საქართველოდან იტალიაში ექსპორტირებული პროდუქციის 50,4%-ს იკა­ვებ­და ბიტუმოვანი მინერალებისაგან მიღებული ნედლი ნავთობი და ნავთობპროდუქტები, 23,3%-ს თხილი და სხვა კაკალი, ხოლო სხვა დანარჩენ პროდუქციას ექსპორტში 26,2 წი­ლი ეკავა.

ფორუმზე ყურადღება გამახვილდა იტალიის ბაზარზე ქართული თხილის საექსპორტო პერსპექტივებზე და მის საერთაშორისო კონკურენტებზე.

თხილისა და კაკლის ექსპორტი 2013 წელს იტალიაში საქართველოს გარდა მსოფ­ლიოს 50-მა ქვეყანამ განახორციელა.

თანხობრივად საქართველოდან  იტალიაში ექსპორტირებული  თხილისა და კაკლის უმსხვილსი სასაქონლო ჯგუფიდან  99% საქართველოში წარმოებულ “ნაჭუჭგაცლილ თხილს”(080222 კოდი) უჭირავს. ამ კონკრეტული საქონლის მოცულობის მიხედვით ჩვენი ქვეყანა იტალიის საექსპორტო ბაზარზე 7%-იანი წილით  თურქეთის შემდეგ მეორე ადგილს იკავებს.

იტალიაში აღნიშნულო საქონლის (ნაჭუჭგაცლილი თხილი (080222 კოდი) ექსპორტის  მიხედვით საქართველოს მთავარ კონკურენტებად გვევლინებოდა თურქეთი (რომელზეც მოდიოდა იტალიაში ექსპორტირებული (ნაჭუჭგაცლილი) თხილის 88%), აზერბაიჯანი (2%), გერმანია (1%).

2014 წლის იანვარ-სექტემბერში საქართველოდან იტალიაში ექსპორტირებულ პრო­დუქ­ციაში ბიტუმოვანი მინერალებისაგან მიღებული ნედლი ნავთობისა და ნავ­თობ­პრო­დუქ­ტე­ბის წილი 50,4%-დან 37,0%-მდე შემცირდა. სამაგიეროდ 28,1%-მდე გაიზარდა თხილისა და კაკლის ექსპორტის წილი. სულ 2014 წლის იანვარ-სექტემბერში საქართველოდან იტალიაში 59 მლნ 839,1 ათასი დილარის ღირებულების პროდუქცია გავიდა.

ამავე პერიოდში საქართველოდან იტალიაში ექსპორტირებულ პრო­დუქციაში 14,9% პალტოებზე, ლაბადებსა და ანალოგიური ნაწარმს პროდუქციაზე მოდიოდა, 5,0% – ხე-ტყის მასალაზე (გასწვრივ დახერხილი ან დაპობილი, სისქით  6 მმ-ზე მეტი), 4,9%- მსხვილფეხა რქოსანი პირუტყვის ტყავზე და ა. შ)

აღსანიშნავია, რომ 2014 წლის 9 თვეში იტალიში საქართველოს რეექსპორტის ისტორიული მაქსიმუმი ფიქსირდება, რაც 613,5 ათას დოლარს შეადგენს.

 წინა წლის მსგავსად, 2014 წლის იანვარ-აგვისტოშიც, იტალიაში განხორციელებული რეექსპორტის უდიდესი ნაწილი (95%)   ხე-ტყის მასალაზე (გასწვრივ დახერხილი ან დაპობილი,  6 მმ-ზე მეტი სისქის) მოდიოდა.

02.12.14