5 დეკემბერს რეპორტიორის პრეს-კლუბში, არასამთავრობო ორგანიზაციათა კოალიაციამ, სკოლებში რელიგიის სწავლების მოწესრიგების მიზნით, პრესკონფერენცია გამართა.
სამოქალაქო სექტორის წარმომადგენლები გაერთიანდნენ და შეიმუშავეს მიმართვა განათლების მინისტრ თამარ სანიკიძის სახელზე. წერილში მოთხოვნილია, რომ სკოლებში არჩევით საგანთა ნუსხაში დაემატოს რელიგიის სწავლება. როგორც კოალიციაში აცხადებენ „ინიციატივის მიზანია მოსახლეობამ მიიღოს სწორი რელიგიური განათლება, რაც მომავალში დაეხმარება საზოგადოებას იყოს მეტად ტოლერანტული, ჯანსაღი დამოკიდებულებებით და გათვითცნობიერებული საკუთარ სარწმუნოებაში. ფაქტია, რომ სისტემური რელიგიური გაუნათლებლობა ქვეყანას ბევრ საფრთხესა და დაბრკოლებას უქმნის. ეს მოთხოვნა არა მხოლოდ საინიციატივო ჯგუფის, არამედ მთელი საზოგადოების უმეტესი ნაწილის დაკვეთაა და ესეც ფაქტია.
“ დღეის მდგომარეობით საქართველოში ბევრია ისეთი შემთხვევა, როცა მშობელთა და მოსწავლეთა ნაწილმა კონკრეტულ სკოლებში ქრისტიანობის სწავლება მოითხოვა, თუმცა არჩევითი საგნების სიაში აღნიშნული დისციპლინის არ არსებობის გამო, ამ მოთხოვნის დაკმაყოფილება რთულდება. გასათვალისწინებელი ფაქტია, რომ ევროპული ღირებულებები, რომლისკენაც გეზი საქართველოს აქვს აღებული, სწორედ ქრისტიანულ მორალზე დგას. მიმართვას იზიარებს და ხელს აწერს 42 არასამთავრობო ორგანიზაცია და ასევე კოალიცია რომელშიც 200-ზე მეტი არასამთავრობო ორგანიზაციაა გაერთიანებული.
შეხვედრაზე გავრცელდა განათლების მინისტრისადმი გაგზავნილი წერილის სრული ვერსია და ხელმომწერი ორგანიზაციების სრული ჩამონათვალი. არასამთავრობოთა პეტიცია საქართველოს განათლებისა და მეცნიერების მინისტრს უკვე გაეგზავნა და რეაგირებისთვის 10 სამუშაო დღის განმავლობაში დაელოდებიან პასუხს.
მისნიტრის სახელზე გაგზავნილი წერილის ასლი:
08.12.14
