სუნამოს სწორად შერჩევა ერთგვარი ხელოვნებაა, თითოეულ ადამიანს განსხვავებული დამოკიდებულება აქვს ამა თუ იმ სურნელის მიმართ, ბაზარზე კი სუნამოების ფართო არჩევანია. “თბილისი თაიმსის“ მიერ ჩატარებული მორიგი ბლიც-გამოკითხვით შეიტყობთ წელს რა სიახლეებს სთავაზობენ მომხარებლებს პარფიუმერული კომპანიები, რა სუნამოებია ყველაზე მოთხოვნადი და რა თანხიდან არის შესაძლებელი არჩევნის გაკეთება სუნამოებზე.
გამოკითხვამ აჩვენა, რომ პარფიუმერული კომპანიების ნაწილი მომხმარებელს ჩვილის და თინეიჯერის ხაზს სთავაზობს. ასევე კომპანიების უმეტესობა, გასულ წელთან შედარებით გაყიდვების გაზრდაზე საუბრობენ.
ისი პარი: ”წელს ქალის ყველაზე მოთხოვნადი სუნამო იყო My Burbery, ასევე ახალ ნარცისო როდრიგესზე, ქლოე, D&G. რაც შეეხება მამაკაცის ხაზს, წელს, ისევე როგორც შარშან აქტუალურობას არ კარგავდა Wildblue Noir. ბავშვის სუნამოების ხაზი ისი პარის აღარა აქვს, წინა წელს ბავშვის სუნამოები მოთხოვნადი იყო, მაგრამ წელს აღარ შემოდის. გვაქვს თინეიჯერული ხაზი, თინეიჯერების საყვარელი სუნამოებია Puma და mexx. სუნამოების შერჩევა ინდივიდუალურად ხდება, ზოგს ტკბილისურნელი მოსწონს, ზოგს კი -გრილი, მაგრამ როცამომხმარებელი საჩუქრად არჩევს სუნამოს ვცდილობთ, რომ ნეიტრალური სურნელის მქონე სუნამო შევურჩიოთ, შედარებით არამკვეთრი. წინა წელთან შედარებით წელს გაყიდვები გაიზარდა. ჩვენს მაღაზიათა ქსელში საახალწლო ფასდაკლება უკვე დაიწყო, მთელს პროდუქციაზე არის 20 %-იანი ფასდაკლება, ასევე გვაქვს საახალწლო გათამაშება, 50 ლარის შენაძენზე, კი ისი პარი მომხმარებლებს საჩუქრებს ჩუქნის. ჩვენს მაღაზიათა ქსელს ხშირად სტუმრობენ შოუ-ბიზნესისა და პოლიტიკის წარმომადგენლები, რამდენიმე დღის წინ ნიკა მემანიშვილმა და რატი დურგლიშვილმა გააკეთეს შენაძენი.”
ლუტეცია: ” წელს ქალბატონებში ძალიან აქტუალური იყო ტომ ფორდის, ანი გუტალისა და ესტე ლაუდერის “თანამედროვე მუზა” სუნამოები, მამაკაცებში კი აქტუალურობას არ კარგავდა ტომ ფორდის ”Tobaco Vanilla” ”One million” . ასევე ძალიან მოთხოვნადი იყო ანი გუტალის სუნამოების ხაზი. ლუტეციას აქვს ბავშვის სუნამოების ახალი ხაზი, იაპონური ”Kokeshy”, ბიჭებისთვის სუნამო არის ბრელოკთან ერთად, გოგონებისთვის კი- ფრჩხილის ლაქთან. ეს სუნამოები ძალიან მოთხოვნადია, დიზანიც ძალიან ორიგინალური აქვს, კიმონოს ფორმის. ასევე ლუტეციას ქსელში გაყიდვაშია ჩვილების სუნამოები, რომელსაც საჩუქრად მოყვება თეფში, სათამაშო ან პირსახოცი, ჩვილის სუნამოებიც ვიზუალურად ძალიან ორიგინალური და განსხვავებულია. ყველა ადამიანი სურნელს თავისებურად აღიქვამს, ეს ძალიან ინდივიდუალური საკითხია, სუნამოს შერჩევისას არ უნდა ავჩქარდეთ, უნდა დავიცადოთ სანამ სუნამოს დაპკურების შემდეგ ნოტები მთლიანად არ გაიხსნება, თითოეულ სუნამოს ყველა ადამიანის კანზე სხვადასხვა სურნელი აქვს. მოთხოვნა წელს საკმაოდ გაიზარდა, ლუტეციამ ბაზარზე ფრანგული პარფიუმის ფართო ასორტიმენტი შემოიტანა, რაზეც მოთხოვნა გასაკუთრებით დიდია. რაც შეეხება საახალწლო ფასდაკლებებს, ჩვენ ძალიან ბევრ სიურპრიზს ვპირდებით ჩვენს მომხმარებლებს, პროდუქციაზე იქნება 20 %-ანი ფასდაკლება და საჩუქრები შენაძენის მიხედვით. ჩვენს მაღაზიათა ქსელს ძალიან ბევრი ცნობილი ადამიანი აკითხავს, თუმცა მათ არ უყვართ, როდესაც ვინაობას სახალხოდ ვაჟღერებთ.”
ვუ ლე ვუ: ” მთელი წლის განმავლობასი ჩვენს მაღაზიათა ქსელში სხვადასხვა დასახელების სუნამოებზე იყო მოთხოვნა, გუჩი, შანელი და ა.შ ზოგადად ყოველთვის მოთხოვნადია და სწრაფად იყიდება ბაზარზე ახალი შემოსული სუნამოები. ჩვენთან სუნამოების შეძენა 5 ლარიდან არის შესაძლებელი. სუნამოების შერჩევა ინდივიდუალური პროცესია, ტენდენციური, კი ნეიტრალური სურნელის მქონე სუნამოებია. ჩვენს მაღაზიათა ქსელს ძალიან ბევრი ცნობილი სახე აკითხავს, მაგალითად, ნატო მეტონიძე, ლიზა ბაგრატიონი, ნანი ბრეგვაძე, ეკა მამალაძე, ნატალია ქუთათელაძე. საახალწლოდ ”ვუ ლე ვუს” მაღაზიათა ქსელში 20-40 %-მდე ფასდაკლება მოქმედებს, ასევე აქცია 1+1, ყოველ დახარჯულ 300 ლარზე მომხმარებელს გადაეცემა 50 ლარიანი სასაჩუქრე ბარათი. ”
ივ როშე: ”ქალის სუნამოებიდან წელს, ისევე როგორც წინა წლებში ყველაზე მოთხოვნადი ქალისა დამამაკაცის სუნამო იყო “Evidence”. ივ როშეს ბავშვის პარფიუმის ხაზი არა აქვს. ჩვენს მაღაზიათა ქსელში სუნამოების ღირებულება 70-დან 120 ლარამდე მერყეობს. წინა წელთან შედარებით მოთხოვნა სუნამოებზე არ შეცვლილა სტაბილურია. ივ როშეს ძალიან ბევრი ცნობილი სახე აკითხავს. წინასაახლწოდ ჩვენს მაღაზიებში იგეგმება ფასდაკლებები, თუმცა ჯერ არ არის განსაზღვრული თუ რამდენპროცენტიან ფასდაკლებას შევთავაზებთ ჩვენს მომხმარებლებს.”
ქალთა ბედნიერება: ” ჩვენი მაღაზიათა ქსელი ორიენტირებულია მთლიანად ქალებზე, წელსაც ყველაზე მოთხოვნადია ვერსაჩე. ქალთა ბედნიერებას ასევე აქვს ბავშვის სუნამოების ხაზი, რომელიც ასევე ძალიან აქტუალურია. სუნამოს შერჩევა 20 ლარიდან არის შესაძლებელი, წელს წინა წელთან შედარებით იკლო მოთხოვნამ. ჩვენს მაღაზიებს სტუმრობენ ნინი ბადურაშვილი, ეკა კახიანი და ბევრი სხვა ცნობადი სახე.
”ქალთა ბედნიერებას” წინასაახალწლო აქციები ჯერ არ დაუგეგმავს, თუმცა ვფიქრობ, რომ გვექნება მოკლევადიანი ფასდაკლება ჩვენს პრდუქციაზე ახალი წლის დღეებში.”
08.12.14
ნინა პირტახია
