გლობალიზაცია 21-ე საუკუნეში ყველაზე ნათლად სწორედ ტერორიზმით გამოიხატა. ეს უკანასკნელი არის ერთ-ერთი თვალსაჩინო მაგალითი იმისა,რომ მსოფლიოში არსებულ ორასზე მეტ ქვეყანას მის წინააღმდეგ ბრძოლა დამოუკიდებლად არ შეუძლია.
7 იანვარს პარიზში მომხდარმა ტერაქტმა მსოფლიოს შეახსენა,რომ 9/11 – ის ტრაგედიიდან ძალიან ცოტა დროა გასული, ახალი საფრთხე კი „ერაყისა და ლევანტის ისლამური სახელმწიფოდან“ მოდის. 7 იანვარს, ჟურნალ „ჩარლი ებდოზე“ განხორციელებული ტერაქტის შედეგად 12 ადამიანი დაიღუპა. ჟურნალის რედაქტორი, სამი კარიკატურისტი, ექვსი ჟურნალისტი და ორი პოლიციელი ძმებმა შერიფ და საიდ კუაშებმა დახოცეს.
ჟურნალი „ჩარლი ჰებდოს“ რედაქციის მიმდებარე ტერიტორია ტერაქტიდან რამდენიმე საათის შემდეგ
ტერაქტთან დაკავშირებით, მსოფლიო გამოცემებში ბევრი დაიწერა. მოსახლეობის უმეტესობამ სოლიდარობა გამოუცხადა საფრანგეთსა და ალაპარაკდა იმ სამომავლო საფრთხეებზე, რასაც მსოფლიო ისლამური სახელმწიფოსგან უნდა ელოდოს. დასავლეთში ამბობენ, რომ ყველაფერი ჯერ კიდევ 7 იანვრამდე დაიწყო, ანუ მაშინ როდესაც დასავლურ მედიაში ცნობილი ინგლისური აბრევიატურით არსებულმა სახელმწიფომ, ISIS – მა იმ სახელმწიფოთა რუკა გაავრცელა, რომელშიც ის აპირებდა ტერორისტული აქტების განხორციელებას. რა არის ამ მუქარის მიზეზი ? – პირველ რიგში, ალბათ ის რომ რადიკალი ისლამისტები თანამოძმეებს არწმუნებენ იმაში, რომ ისინი დასავლეთში დაუცველები არიან, ცხოვრობენ შიმშილსა და სიღატაკეში, ამცირებენ მათ და არიან რასობრივი თუ რელიგიური დისკრინიმაციის მსხვერპლნი. ამის შესახებ, ბრიტანული გამოცემა „სი-ენ-ენ“-ი წერს, რომ ამ მოტივით ბრძოლა ევროპისა და მთლიანად დასავლური სამყაროს წინააღმდეგ გაუმართლებელია, ისინი მხოლოდ საბაბს ეძებენ , რათა გაამართლონ ის ძალადობა, რასაც დღეს ისლამური სახელმწიფო არა მხოლოდ დასავლეთში, არამედ აღმოსავლეთშიც სჩადის.
ISIS -ის დაჯგუფების წევრები
7 იანვრის პარიზის ტრაგედიასა და ისლამური სახელმწიფოს შორის კავშირი იმ დღესვე გაჩნდა, ეს შეხედულება კი გამყარდა მაშინ, როდესაც პარიზში მსვლელობის დაწყებამდე ინტერნეტში ვიდეო-მიმართვა გავრცელდა. დასავლურ სამყაროს აჰმედ კულიბალი მიმართავდა, ის საკუთარ თავს ისლამური სახელმწიფოს ნაწილად მიიჩნევდა და ამბობდა, რომ სწორედ მისი სახელით მოქმედებს. კულიბალი აღნიშნავდა, რომ ჩარლი ებდოზე თავდასხმა სწორედ იქ დაიგეგმა და ის თავად მუშაობდა თავდასხმის გეგმაზე.
აჰმედ კულიბალის გავრცელებული ფოტო, კადრი ვიდეო მიმართვიდან
მიმართვის ბოლოს ამბობს , რომ გუნდი ორად გაიყო და საბოლოოდ, ძმებს დაევალათ მუჰამედის სახელის უპატივცემულობისთვის შურისძიება. აჰმედ კულიბალმა მიმართვის გავრცელების შემდეგ ქოშერულ მაღაზიაში მძევლები აიყვანა, ის სპეც-ოპერაციის დროს მოკლეს. პოლიცია ამ დრომდე ეძებს ჩარლი ებდოზე თავდასხმის კიდევ ერთ მონაწილე ქალს, ჰაიატ ბუმედინს, რომელმაც თურქეთისა და სირიის საზღვარი უკევ გადაკვეთა. გამოძიებამ დაადგინა, რომ ტერორისტი ძმები დიდი ხანია უკვე „ალ – ყაიდის ქსელი“ წევრები არიან, ეს უკანასკნელი კი ისლამური სახელმწიფოს გარეშე ბოლო რამდენიმე თვეა აღარ მოქმედებს.გამოცემის მთავარი რედაქტორი სტეფან შარბონიე, იგივე „შარბი“ იქამდე უკვე შეტანილი იყო „ალ–ყაიდის“ მთავარი სამიზნეების სიაში და მას სპეციალურად მიჩენილი პოლიციელი იცავდა.
ტერაქტის მსხვერპლი, ჟურნალის მთავარი რედაქტორი სტეფან შარბონიე
რადიკალი ისლამისტების უკან რეალურად მილიარდების მქონდე ისლამური სახელწიფო დგას. მათი ფონდები დღეში ათასობით გადარიცხვას ანხორციელებენ, მილიონობით თანხა საუდის არაბეთის შეიხების, შიიტი აიათოლების საბანკო ანგარიშებზე ირიცხება, თანხა კი მათი თქმით, სწორედ ევროპაში მცხოვრებ დაუცველ ისლამისტებს უნდა მომხარდეს. სინამდვილეში კი ასე არ ხდება. უკვე აღვნიშნეთ, რომ ისლამური სახელმწიფოს აგრესია მხოლოდ დასავლეთისკენ არაა მიმართული. თავად, ისლამური ფუნდამენტალიზმის მკვეთრი მახასიათებელია ორაზროვანი პოლიტიკა და შეუთანმხლებლობა, რომელშიც გამარჯვებული ყოველთვის ის გამოდის , ვისაც ბევრი ფული აქვს. ეს ერაყის სამოქალაქო ომის დროსაც გამოჩნდა, სადაც შიიტი და სუნიტი ექსტრემისტებს შორის დაპირისპირება სწორედ ისეთივე სისხლიანი იყო, როგორიც ის ტერაქტებია რომლებიც დასავლეთში ხორციელდება. ISIS სასტიკად უსწორდება ტყვეებს და სამოქალაქო პირებს. „ისლამური სახელმწიფო“ მონაწილეობს უპრეცედენტო მასშტაბის ეთნოწმენდაში და შიშისა და ტერორის ქვეშ ამყოფებს მუსლიმ მოსახლეობას.
ISIS -ის მებრძოლები სირიაში
ისლამისტების ვიდეო თუ წერილობით განცხადებებში ნათქვამია, რომ საფრანგეთში ასეთი ტერაქტი ჯერ კიდევ გასული საუკნეების გამოძახილი იყო. ფიქრობენ, რომ ასეთ განცხადებებში ისლამისტები ყურადღებას ამახვილებენ საფრანგეთის იმპერიალისტურ წარსულზე. დღეს პარიზში ბევრი მუსლიმი გარესამყაროსგან იზოლირებულ გეტოში ცხოვრობს, უმუშევრობა და ეს იზოლაცია სწორედ კრიმინალისკენ უბიძგებს მათ. ბრიტანეთის მუსლიმური საჯარო საქმეების კომიტეტის დამფუძნებელი ასღარ ბუხარი ამბობს, რომ საფრნაგეთში მუსლიმთა კლასი საკმაოდ დემონიზირებულია. ისლამური სახელმწიფოს ამ განცხადებას იხსენებს და ამბობს, რომ მუსლიმებს მართლად შეურაცხყოფენ და თავს ესხმიან ძალაუფლების სტრუქტურები, – „ამ საზიზღარმა კარიკატურებმა მათი ცხოვრება კიდევ უფრო გააუარესა. რასისტული სტერეოტიპები მათ შესახებ კიდევ უფრო გამყარდა“ – წერს ასღარ ბუხარი. ფიქრობენ, რომ სწორედ ამ მოტივებითაა განხორციელებული ისლამური სახელმწიფოს ეს მოქმედებები. თუმცა, ძალადობა გაუმართლებელია და ადამიანთა სიცოცხლის ხელსაყოფად არ არსებობს მოტივი – ამ მოსაზრებას ეხმიანებიან თავად ზომიერი მუსლიმებიც. ისინი ამბობენ, რომ მიუხედავად მათი რელიგიური გრძნობების შეურაცყოფისა სიძულვილი და მკვლელობა არ არის რელ იგიის საწყისი, სუნიტური სამყაროს რელიგიური სასწავლო ცენტრი, ალ-აჟარი წერს, რომ ძალადობა გაუმართლებელია, ალ-აჟართან ერთად ტერაქტი და ისლამური სახელმწიფოს მხრიდან გავრცელებული განცხადებები დაგმო 22 არაბული სახელმწიფოსგან შემდგარმა რეგიონულმა ორგანიზაციამ – „არაბულმა ლიგამ“. მაშინ, დასავლეთში ისმის კითხვა, თუ მუსლიმი საზოგადოების ნახევარზე მეტი თანხმდება იმაზე, რომ ტერორიზმი და ძალადობა დაუშვებელია, რატომ იღებს ისლამური სახელმწიფო საკუთარ თავზე პასუხისმგებლობას და რატომ საუბრობს ის მილიონობით ადამიანის სახელით. დასავლეთში ამ კითხვაზე ზუსტი პასუხი არ აქვთ, თუმცა ისინი ამბობენ რომ ისლამური სახელმწიფო მალე ისე გამდიდრდება,რომ აღნიშნულ არაბულ სახელმწიფოებს სწორედ მისი ფულადი დახმარება დასჭირდებათ და ის დიდ გავლენას მათი საშუალებით მოიპოვებს. ის ყოველდღე ნავთობის გაყიდვისგან 3 მილიონ დოლარს იღებს, აქვს სირიასა და ერაყში ნავთობის 15 საბადოზე კონტროლის უფლება. ვარაუდობენ, რომ ISIS მომავალში დაელოდება ყველა იმ საბაბს, რისი საშუალებითაც ის ტერორისტულ აქტებს განახორციელებს დასავლურ ქვეყნებში.
„მე ვარ ჩარლი“ – ფოტო საპროტესტო აქციიდან ძალადობის წინააღმდეგ, პარიზი
ამის პარალელურად,საფრანგეთში, ჟურნალი „ჩარლი ებდოს“ ახალი ნომერი გამოდის, სადაც მუჰამედის ახალ კარიკატურას თვალზე ცრემლი სდის და ხელში უჭირავს ქაღალდი, რომელსაც აწერია „მე ვარ შარლი“, საფრანგეთის გარდა მსოფლიოს ათეულობით ქვეყანაში მოეწყო საპროტესტო გამოსვლები კარიკატურებით, წარწერებითა და შეძახილებით მოსახლეობა სოლიდარობას უცხადებს საფრანგეთს და მუსულმანურ სამყაროს ახსენებს, რომ სიტყვის თავისუფლებისთვის ადამიანებს 21-ე საუკუნეში არ უნდა კლავდნენ.
ჟურნალის ახალი კარიკატურა
ამ ჟურნალში დაიბეჭდა ქრისტიანული და სხვა რეილიგიის მიმართ ბევრი სატირული სტატია თუ კარიკატურა მაგრამ ამისთვის არავინ მოუკლავთ.
საფრანგეთში მცხოვრები მუსლიმი სწავლულების წარმომადგებელი პატივს მიაგებს 7 იანვრის ტერაქტში დაღუპულებს
საფრანგეთში მცხოვრები მუსლიმი სწავლულებისთვის რთულია ხაზი გაავლო ამ შემთხვევაში სიტყვის თავისუფლებასთან და რელგიის შეურაცხყოფასთან , თუმცა ისინი წერენ რომ წინასწარმეტყველი მუჰამედისთვის სატირულ ნახატებზე მეტად შეურაცხმყოფელია მისი სახელით ადამიანების ხოცვა.
„არ გვეშინია“ – ფოტო საპროტესტო აქციიდან, პარიზი.
დასავლელი მეცნიერები თვლიან, რომ სანამ თანამედროვე მსოფლიოში რელიგიური თუ სხვა რადიკალიზმი იარსებებს იქამდე ჩათვლიან ISIS და მსგავსი ტერორისტული ორგანიზაციები იმას, რომ სიტყვის თავისუფლებისთვის, ადამიანთა სოციალური პრობლემებისთვისა და რელიგიის შეურაცყოფისთვის უდანაშაულო ადამიანების დახოცვა გამართლებულია. გავა წლები და არამარტო საფრანგეთში, არამედ მსოფლიოს ნებისმიერ კუთხეში შეიძლება ყველა მცხოვრები მუსლიმის სოციალური მდგომარეობა უკეთესობისკენ წარიმართოს და მოხდეს ისე, რომ მაგალითისთვის, ფრანგული „Charlie Hebdo”-სა და ესპანურ “El Juevas”-ში გამოქვეყნებულმა კარიკატურებმა რადიკალ მუსლიმებზე მტკინვეულად აღარ იმოქმედოს, თუმცა იმ თორმეტი ადამიანის სიცოცხლე, რომლებიც 7 იანვარს პარიზში ტერაქტს ემსხვერპლნენ ვეღარასდროს დაბრუნდება. ასევე დიდი ხნის განმავლობაში შეუძლებელი იქნება ისლამური სახელმწიფოს საზღვრებისა და ფინანსების ზრდის შეჩერება, რომელებიც პირდაპირპროპორციულად შეამცირებს უსაფრთხოების შეგრძნებას დასავლურ ქვეყნებში.
წყარო:CNN
თემაზე მუშაობდნენ:
გიორგი მიქანაძე
ნათია კეკენაძე
