საქართველოს ყოფილმა პრეზიდენტმა, მიხეილ სააკაშვილმა ამჟამინდელი მთავრობა დაადანაშაულა იმაში, რომ სირიაში საქართველოს ასობით მოქალაქე ისლამური სახელმწიფოს (IS) სამხედრო დაჯგუფებებთან ერთად იბრძვის.
ამის შესახებ, ყოფილმა პრეზიდენტმა ტელეკომპანია რუსთავი 2 -ის ეთერში ისაუბრა და თქვა, რომ ქვეყნის მთავრობამ არ უნდა დახუჭოს თვალი იმაზე, რომ სირიაში საქართველოს მოქალაქეები იბრძვიან.
ამერიკის შეერთებულ შტატებში მცხოვრები სააკაშვილი სატელევიზიო არხებთან საუბრისას განაცხადა, რომ:
„რამდენიმე ასეული საქართველოს მოქალაქე გაგზავნილ იქნა სირიაში. ამჟამინდელი მთავრობა ამ ფაქტთან დაკავშირებით საუბარს თავს არიდებს, თუმცა იმას, რომ ქართველი მოხალისეები იბრძვიან უკრაინაში უარყოფითად აფასებს და ამბობს, რომ ისინი არიან ადამიანები, რომლებიც მხოლოდ მატერიალურ დახმარებისთვის იბრძვიან უცხო ქვეყანაში და ამას არ აქვს საერთო ნაციონალური თავდაცვის მოტივაციასთან. ამ ადამიანებს ნაციონალური მოძრაობის აგენტებს უწოდებს და ერთ სიტყვასაც არ ამბობს იმ ფაქტის შესახებ, რომ სხვადასხვა ხრიკით შეკრებილი ადამიანები სირიაში იბრძვიან გაურკვეველი მიზნებისთვის. სირიაში ბრძოლა კი უკრაინისგან განსხვავებით, ნამდვილად არ ემსახურება საქართველოს ინტერესებს.”
სააკაშვილის მხრიდან აღნიშნულ ბრალდებაზე საუბარი მაშინ დაიწყო, როდესაც დეკემბერში საქართველოს თავდაცვის მინისტრის განცხადება გავრცელდა. ამ განცხადებაში მინისტრი საუბრობდა აღმოსავლეთ უკრაინაში, ლუჰანსკის პროვინციაში დაღუპული ქართველ მოხალისე სამხედროზე, ალექსადრე გიგოლაშვილზე. ამ განცხადებაში მინისტრი ამბობს, რომ გიგოლაშვილის გარდაცვალებაზე პასუხისმგებლობა საქართველოს ყოფილი ხელისუფლების წარმომადგენლებს ეკისრებათ. საქართველოს ექს-პრეზიდენტი არ გვაწვდის დამატებით ინფორმაციას სირიაში მებრძოლ ქართველებზე, და არც ინფორმაციის წყაროზე საუბრობს.
იმის შესახებ თუ ზუსტად რამდენი ქართველი იბრძვის სირიაში უცნობია. ამასთანავე არ არსებობს მტკიცებულებაც, რომ პრეზიდენტის ნათქვამის თანახმად, იქ მებრძოლ ქართველთა რიცხვი რამდენიმე ასეულია.
რუსული საინფორმაციო გამოშვების Rossiiskava gazeta-ის თანახმად, სირიაში დაახლოებით 50-დან 100 – მდე წარმოშობით პანკისელი ქართველი იბრძვის, როდესაც თვითონ საქართველოში მათი, როგორც ადგილობრივი მცხოვრებლების რიცხვი 50-დან 60-მდე მერყეობს.
ქართული “რადიო თავისუფალი ევროპა, რადიო თავისუფლების“ მიერ მომზადდა ინტერვიუ, სადაც პანკისის ადგილობრივი მცხოვრები ამბობს, რომ პანკისიდან ყველაზე ბევრი 10 ადამიანია წასული სირიაში საბრძოლველად. ამასთანავე მისი ინფორმაციით, ამ ადამიანების სირიაში გამგზავრების მიზანი სირიელების დახმარებაა.
მიუხედავად მცირე რაოდენობისა, თავად ფაქტმა, რომ სირიაში ისლამურ სახელმწიფოს დაჯგუფებებთან ერთად ქართველები იბრძვიან უკვე შეცვალა პოლიტიკური პროცესები საქართველოსა და რუსეთის ფედერაციაში.
ამ თვეში, რამდენიმე დასავლური მედია გამოშვება დაინტერესდა პანკისის ხეობით. გამოცემები წერდნენ ხეობაში მცხოვრებ ჩეჩენ და ქისტ მოსახლეობაზე და აღწერდნენ იმ კერას, რომელშიც განვითარდა რადიკალიზმი. ამასთანავე ისინი წერდნენ, რომ ადგილობრივმა მოსახლეობამ მათთან საუბრისას კატეგორიულად უარყო პანკისის ხეობაში რადიკალიზმის ყოველგვარი გამოვლინება. ადგილობრივ მცხოვრებლებში უკმაყოფილება იმ ფაქტმაც განაპირობა, რომ მედიის მხრიდან პანკისით დაინტერესება ბოლო ხანებში საგრძნობლად გაიზარდა.
მსგავსი დამოკიდებულება ჩანს ნოემბერში, Eurasianet-თან ერთი პანკისელი ქალბატონის გაკეთებულ კომენტარშიც: „ჩვენ ვცდილობთ, რომ წარმოვაჩინოთ პანკისი სულ სხვა კუთხით. გვსურს ვისაუბროთ ჩვენს ტრადიციებზე და მშვენიერ ბუნებაზე, თუმცა ჟურნალისტები მხოლოდ ინტერესდებიან იმ ადამიანებით, რომლებსაც ისინი „ტერორისტებს“ უწოდებენ“.
სირიასა და პანკის შორის კავშირზე საუბრობს რუსული მედიაც. თუმცა, ზოგი გამოშვება უარყოფს პანკისში ადგილობრივ მცხოვრებლებში რადიკალიზმის არსებობას. რუსული Vzglyad – ის ნოემბრის ინტერნეტ გამოცემაში წერენ, რომ პანკისის ხეობაში მცხოვრები ადგილობრივები ეწინააღმდეგებიან საკუთარი ნათესავების გადაწყვეტილებას უცხო ქვეყნის ომში ბრძოლასთან დაკავშირებით.
მთავარი მიზეზი იმისა, თუ რატომ მოექცა მცირე მოსახლეობისა და სამხედრო ძალის მქონე პანკისის ხეობა გერმანული და ინგლისური მედიის ყურადღების ქვეშ არის ის, რომ სირიაში ისლამური სახელმწიფოს დაჯგუფების ერთ-ერთი მეთაური სწორედ პანკისელი უმარ შიშანია.
ამ ყველაფრის პარალელურად, ჩეჩენეთის პრეზიდენტი რამზან კადიროვი, საწყის ეტაპზე ეწინააღმდეგებოდა იმ ფაქტს, რომ ჩეჩნები იბრძოდნენ სირიაში.
კადიროვი დაჟინებით ამტკიცებდა იმას, რომ ის მებრძოლები, რომელთაც ჩეჩნებს უწოდებენენ სინამდვილეში ევროპული დიასპორის წარმომადგენლები არიან.
ჩეჩნეთის სასამართლომ ახლახანს მიუსაჯა პანკისელ ქართველს ექვსი წლის ვადით თავისუფლების აღკვეთა იმისთვის, რომ მან გადაიბირა ჩეჩნები სირიაში საბრძოლველად (მსჯავდებულის ადვოკატი ამტკიცებს, რომ მისი დაცვის ქვეშ მყოფი უშიშროების ზეწოლის ქვეშ იყო).
წყარო: Radio Free Europe/Radio Liberty
16.01.15
ნათია კეკენაძე
