რეგიონული განვითარებისა და ინფრასტრუქტურის სამინისტრო დავით შავლიაშვილის მიერ თანამდებობის დატოვების შესახებ გავრცელებულ ინფორმაციას არ ადასტურებს.
ამის შესახებ ნათქვამია რეგიონული განვითარებისა და ინფრასტრუქტურის სამინისტროს პრესსამსახურის მიერ გავრცელებულ ოფიციალურ განცხადებაში.
“საქართველოს რეგიონული განვითარებისა და ინფრასტრუქტურის სამინისტრო, ეხმაურება მედიაში გავრცელებულ ინფორმაციას მინისტრ დავით შავლიაშვილის მიერ თანამდებობის დატოვების შესახებ. უწყების განცხადებით, აღნიშნული არ შეესაბამება სიმართლეს და საქართველოს რეგიონული განვითარებისა და ინფრასტრუქტურის მინისტრი აღნიშნულ თანამდებობაზე მუშაობას ჩვეულ რეჟიმში აგრძელებს”, – ნათქვამია სამინისტროს განცხადებაში.
