უკრაინის პრეზიდენტი, პეტრო პოროშენკო გაერო-ს დონბასში საკუთარი სამშვიდობო მისიის გაგზავნას სთხოვს. ამის შესახებ BBC-ის ცნობით, პოროშენკომ გუშინ საღამოს უკრაინის უშიშროებისა და თავდაცვის საბჭოს სხდომაზე განაცხადა.
“დარწმუნებული ვარ, რომ ეს იქნება ყველაზე ეფექტური გამოსავალი და უსაფრთხოების საუკეთესო გარანტორი”, – აღნიშნა უკრაინის პრეზიდენტმა.
დონბასში ცეცხლის შეწყვეტის შეთანხმების ამოქმედების მიუხედავად, საბრძოლო მოქმედებები ამ დრომდე მიმდინარეობს. განსაკუთრებით მძიმე ვითარებაა სტრატეგიულ ქალაქ დებალცევოში.
უკრაინელი სამხედროები და პრორუსი მებრძოლები ცეცხლის შეწყვეტის შეთანხმების დარღვევაში ერთმანეთს ადანაშაულებენ. პეტრო პოროშენკოს თქმით, ქალაქი უკრაინის არმიის 80%-მა უკვე დატოვა.
