რუსეთის ფედერაციაში სახელმწიფო რეგისტრაცია „ქინძმარაულის მარანის“, „დუგლაძის ღვინის სახლის“ და მინერალური წყლის მწარმოებელის კომპანია “ბორჯომის” შემდეგ რამოდენიმე კომპანიამ კიდევ გაიარა.
მათ შორის 9 ქართულ ღვინის მწარმოებელი კომპანიაა, რომელთაც უკვე შეუძლიათ რუსეთში პროდუქციის შეტანა დაიწყონ.
რუსეთის მთავარი სანიტრის გენადი ონიშჩენკოს განცხადებით, ქართული ღვინისთვის სააქციზო მარკები უკვე მზადაა. „რუსეთში სახელმწიფო რეგისტრაციისთვის წარმოგვიდგინეს 135 დასახელების პროდუქცია, რომელთაგან 90 სახეობაზე დადებითი შეფასება მივეცით“, – განაცხადა ონიშჩენკომ.
იმ 45 დასახელების პროდუქტს შორის რომელზედაც ონიშჩენკომ უარი თქვა “ასკანელი ძმების” ხუთი დასახელების კონიაკიც მოხვდა. გენადი ონიშჩენკოს განცხადებით, პროდუქცია, რომელიც „ასკანელი ძმების“ კომპანიამ წარადგინა, არ შეიცავს კონიაკის სპირტს.
კონიაკისგან განსხვავებით შემოწმება წარმატებით გაიარა “ასკანელი ძმების” 9 დასახელების ღვინომ.
23.05.13
