ცოტა ხნის წინ გავრცელებული ინფორმაციის თანახმად, მოსკოვის ცენტრში რუსი ოპოზიციონერი ბორის ნემცოვი მოკლეს, – ამის შესახებ “ინტერფაქსს” დედაქალაქის სამართალდამცავ ორგანოებში წყარომ აცნობა.
ტრაგედიის დეტალები დგინდება. პირველადი მონაცემებით, ბორის ნემცოვი ვასილევსკის დაღმართში მოკლეს.
ვრცელდება ინფორმაცია, რომ მას 4-ჯერ ესროლეს, რის შედეგადაც, 55 წლის პოლიტიკოსი, მოძრაობა “სოლიდარნოსტის” დამფუძნებელი მიღებული ჭრილობების შედეგად ადგილზევე გარდაიცვალა.
