“ასეთი მიწვევები ჩემთვის პრინციპულად მიუღებელია” – დავით ნარმანია

თბილისის მერი დავით ნარმანია საკრებულოს რიგგარეშე სხდომის დანიშვნას და საკრებულოში მის მისვლის მოთხოვნას გამოეხმაურა.

მისი განცხადებით, ის არც თავისუფალი დემოკრატების ინიციატივას იღებს და არც ფრაქციის სხდომაზე მისვლას გეგმავს. თბილისის მერი აცხადებს, რომ მხოლოდ რეგლამენტით გათვალისწინებული პროცედურებით იხელმძღვანელებს.

„გუშინ გავაკეთეთ ძალიან მკაფიო განცხადება იმასთან დაკავშირებით, რომ კანონმდებლობით დადგენილი წესით, აპრილში წარვდგები თბილისის საკრებულოს წინაშე. ამიტომ ასეთი მიწვევები ჩემთვის პრინციპულად მიუღებელია. როცა მივალ თბილისის საკრებულოში, ვისაუბრებ იმაზე, თუ რა მძიმე მდგომარება დაგვხვდა, რა გავაკეთეთ და რა გეგმები გვაქვს 2015 წელის განმავლობაში,” – განაცხადა თბილისის მერმა დავით ნარმანიამ.