როგორც რუსეთის საგარეო საქმეთა მინისტრმა სერგეი ლავროვმა ჟურნალისტებთან განაცხადა საბაჟო ადმინისტრირებისა და ვაჭრობის მონიტორინგის შესახებ შეთანხმება, რომელსაც რუსეთ-საქართველოს შორის 2011 წელს მოეწერა ხელი აფხაზეთსა და ე.წ სამხრეთ ოსეთს არ მოიცავს, მისი თქმით შვეიცარიის კერძო კომპანიის მოზიდვა ცალკეული საბაჟო საკითხების ადმინისტრირებისთვის არ ვრცელდება აფხაზეთსა და ე.წ სამხრეთ ოსეთზე, რადგანაც ეს შეთანხმება შეეხებოდა მხოლოდ 2008 წლის აგვისტოს ომის შემდეგ ოკუპირებულ ტერიტორიებს.
ლავროვის ამ განცხადებასთან დაკავშირებით კომენტარი საქართველოს პრემიერ მინისტრის სპეციალურ წარმომადგენელს რუსეთთან ურთოერთობებში ზურაბ აბაშიძეს ჟურნალისტებმა სთხოვეს, რომელზეც აბაშიძებ კომენტარისგან თავი შეიკავა.
“ჩამოვყალიბდებით, გავეცნობით, სასწრაფო, მე მგონი, არაფერი არ არის. შემდეგ გამოჩნდება როგორია ჩვენი პოზიცია იმ თემებთან დაკავშირებით, რომელიც მან ახსენა”
რაც შეეხება აფხაზეთის გავლით რუსეთ-საქართველოს დამაკავშირებელი რკინიგზის აღდგენის საკითხს, აბაშიძემ განაცხადა, რომ აბაშიძე-კარასინის მოლაპარაკებების ფარგლებში პრაღაში ამ საკითხზე საუბარი არ მიმდინარეობს.
”ერთ რამეს მინდა კიდევ ერთხელ გაუსვა ხაზი, რომ ჩემი ორმხრივი დიალოგის ფარგლებში პრაღაში არანაირი მოლაპარაკება არ მიმდინარეობს ე.წ. აფხაზეთის რკინიგზის მონაკვეთთან დაკავშირებით. ზოგადად, პრაღაში ჩვენ მოლაპარაკებებს არ ვაწარმოებთ და არც რაიმე ვალდებულებებს ვიღებთ. ასე, რომ ის თემა, რომ იქ რაღაც კულუარულად ხდება გარიგება აფხაზეთის რკინიგზასთან დაკავშირებით, არის აბსოლუტურად მცდარი. ჩვენს დიალოგს ესწრებიან და მონაწილეობას იღებენ ჩვენი საგარეო უწყების წარმომადგელები. ასე, რომ ყველა საქმის კურსშია, დეტალურად რაზე ვსაუბრობთ, რკინიგზის თემაზე არანაირი მოლაპარაკება არ მიმდინარეობს.”
ნინა პირტახია
