რიო-დე-ჟანეიროში ერთსქესიანთა ქორწინების ლეგალიზების წინააღმდეგ გაიმართა მარში, რომელშიც მონაწილეობა მიიღო 100 ათასზე მეტმა ადამიანმა.
გამოსვლა გაიმართა ლოზუნგით ,,მარში იესოს სახელით’’. პოლიციას აღნიშნული გამოსვლის მასშტაბის გამო ქალაქის ცენტრში ქუჩის ნაწილის გადაკეტვა მოუხდათ.
მარში იმართება ყოველწლიურად და მისი ორგანიზატორები არიან ადგილობრივი ქრისტიანე-ევანგელისტები.
როგორც ისინი აღნიშნავენ, მსვლელობის მიზანია დაიცვან ტრადიციული ღირებულებები. მანიფესტანტები აპროტესტებდნენ მიღებულ კანონს, რომლის მიხედვითაც ერთსქესიანთა ქორწინების ლეგალიზება მოხდა.
საზოგადოება გამოვიდა პლაკატებით რელიგიურ თემატიკაზე და ახდენდა ბიბლიის ციტირებას. დემონსტრაცია დასრულდა ევანგელისტური კონცერტით და ადგილობრივი პასტორების ქადაგებით.
მარშის ორგანიზატორმა პასტორმა საილას მალაფაიამ აღნიშნა:,, ეს მნიშვნელოვანი მოვლენა მოწოდებულია ხაზი გაუსვას ღმერთის მოყვარე ხალხის ერთობლიობას და განამტკიცოს სიტყვის, რწმების, ტრადიციული ოჯახის და ცხოვრების წყობის პრინციპები. ჩვენ არ მივესალმებით ცოდვებს, კორუფციას და ჰომოსექსუალიზმს’’ .
ამ სახით მარში რიო-დე-ჟაინეროში უკვე მეოცედ გაიმართა.
28.05.13
მარინა ფიდუაშვილი
