CNN-ის ინფორმაციით, ზედიზედ მესამედ, მსოფლიოს უბედნიერესი ქვეყნების კვლევაში ავსტრალიამ პირველი ადგილი დაიკავა.
კვლევა ეფუძნებოდა რამოდენიმე კრიტერიუმს, როგორებიცაა მოსახლეობის კმაყოფილების დონე, ბალანსი სამსახურსა და პირად ცხოვრებას შორის, შემოსავალი და საცხოვრებელი პირობები.
კვლევის თანახმად, ავსტრალიის მოსახლეობის 85% პროცენტი დღეში საშუალოდ მეტ პოზიტიურ განცდებს იღებს, როგორებიცაა გართობა, სიამაყე, ვიდრე ნეგატიურს, როგორებიცაა ტკივილი და მოწყენილობა, ავსტრალიელთა საშუალო თვიური შემოსავალი კი 28 884 აშშ დოლარს შეადგენს.
2013 წლის „იღბლიანმა ქვეყანამ“ უკან ჩამოიტოვა ევროპისა და ჩრდილოეთ ამერიკის განვითარებული ქვეყნები. აღნიშნულ კვლევაში მეორე ადგილს იკავებს შვედეთი, რომელიც მხოლოდ იმიტომ ჩამორჩა ლიდერ ქვეყანას, რომ შვედი მოსახლეობის საშუალო თვიური შემოსავალი რამდენიმე ასეული დოლარით ჩამორჩება ავსტრალიის ანალოგიურ მაჩვენებელს და შეადგენს 26 242 აშშ დოლარს, ცხოვრების დონე კი წყნარი ოკეანის ქვეყნის იდენტურია.
მესამე ადგილი დაიკავა კანადამ, 15-დან 65-წლამდე ასაკის მოსახლეობის 72% დასაქმებულითა და 28 194 აშშ დოლარის საშუალო თვიური შემოსავლით. ჩრდილოეთ ამერიკის ეს ქვეყანა პირველ ორ ლიდერ სახელმწიფოს სამოქალაქო თანამონაწილეობის კულტურის შედარებით დაბალი დონით ჩამორჩა.
30.05.13
თამთა ჭრიკიშვილი
