პრემიერ-მინისტრი ირაკლი ღარიბაშვილი პრეზიდენტს უსამართლო და უსაფუძვლო კრიტიკაში სდებს ბრალს და მინისტრების პარლამენტში არმისვლაზე განმარტებებს აკეთებს.
ღარიბაშვილი აცხადებს, რომ გადაწყვეტილება მთავრობამ ერთსულოვნად მაშინ მიიღო, რომდესაც გადაწყდა, რომ ქვეყანაში არსებული რეალობიდან გამომდინარე, სამთავრობო ღონისძიებები არ უნდა ყოფილიყო პომპეზური.
„ჩემთვის ცოტა საწყენია, როცა მიუთითებენ გუნდურობაზე და ვისმენთ გაუმართლებელ და უსამართლო კრიტიკას მთავრობის მისიმართით პრეზიდენტის მხრიდან. ჩვენ მოსახლეობამ არ აგვირჩია იმისთვის, რომ მოისმინოს პრეზიდენტის კრიტიკა მთავრობის მიმართ და ჩემი პასუხები ამაზე – ეს არის სირცხვილი და ჩვენ არ გვაქვს ამაზე დროის დახარჯვის ფუფუნება,” – განაცხადა პრემიერ-მინისტრმა რამდენიმე წუთის წინ მთავრობის სხდომაზე.
მან ასევე აღნიშნა, რომ პრეზიდენტი მას არასდროს არ მიმართავდა და ყოველი შეხვედრისა და სატელეფონო ზარის ინიციატორი მარგველაშვილთან სწორედ ის იყო.
