შს მინისტრ ვახტანგ გომელაურის განცხადებით, პანკისელი ახალგაზრდების სირიაში წასვლის პრობლემაზე მუშაობამიმდინარეობს, თუმცა, მისივე თქმით, ქვეყანა სრულწლოვან ადამიანს ვერ დაუშლის ქვეყნიდან გასვლას.
„თუ სრულწლოვანი ადამიანი წავიდა თავის საქმეზე თურქეთის მიმართულებით, ძალიან რთულია, ეს ვინმეს დაუშალო. ჩვენ არ გვაქვს უფლება სრულწლოვან ადამიანს, რომელიც თურქეთში ან თუნდაც სხვაგან მიდის, დავუშალოთ ეს. ამის შემდეგ ის ადამიანი სირიაში მოხვდება თუ სხვაგან ძალიან რთულია განსაზღვრო. ჩვენ ვმუშაობთ. ეს არ არის ერთი და ორი წლის პრობლემა პანკისის ხეობაში“,-განაცხადა გომალაურმა
ცნობისთვის, პანკისის ხეობიდან სირიაში არაერთი ახალგაზრდაა წასული. რამდენიმე დღის წინ კი ცნობილი გახდა, რომ პანკისის ხეობის სოფელ დუმასტურიდან სირიაში საბრძოლველად კიდევ ორი მოზარდი წავიდა. მშობლების ინფორმაციით, 18 და 16 წლის მოზარდები სკოლაში წავიდნენ და უკან აღარ დაბრუნებულან.
