მნიშნველოვანი ვიზიტი და შეხვედრები რიგის სამიტის წინ – ასე აფასებენ საქართველოს დელეგაციის წევრები ლატვიაში პრეზიდენტის სტუმრობას. მათი თქმით, ქვეყნის პრეზიდენტმა ღიად გამოხატა მხარდაჭერა საქართველოს ევროატლანტიკური ინტეგრაციის გზაზე, რაც შესაძლოა, გარკვეული სტიმული გახდეს ევროკავშირის სხვა წევრი ქვეყნებისთვისაც. შეხვედრებზე საუბრის ერთ-ერთი მთავარი თემა ასევე იყო ვიზალიბერალიზაცია.
გიორგი მარგველაშვილს ერთ-ერთი ბოლო გამოსვლა ლატვიის უნივერსიტეტში ჰქონდა, სადაც აღმოსავლეთ პარტნიორობის რიგის სამიტზე ისაუბრა. მას ასევე შეკითხვები დაუსვეს ვარდების რევოლუციასა და სააკაშვილის მმართველობაზე.
„მე არ შემიძლია შევაფასო ჩემი წინამორბედი, ეს ისტორიკოსებმა უნდა გააკეთონ. მე მხოლოდ შემიძლია გითხრათ იმ პერიოდის შესახებ. ამ დროის განმავლობაში საინტერესო და დრამატული რეფორმები გატარდა, რომლებმაც ბევრი პოზიტიური შედეგი მოიტანეს სერვისის, პოლიციისა და კორუფციის წინააღმდეგ ბრძოლის მიმართულებით, ასევე გადაიდგა ნაბიჯები საქართველოს ევროინტეგრაციისკენ, ეს პროცესი კი არსებული მთავრობის დროს ძალიან წარმატებით დასრულდა,”- განაცხადა გიორგი მარგველაშვილმა.
