“თიბისი ბანკი” მომხმარებელს უკონტაქტო ბარათებს სთავაზობს. აღნიშნული მომსახურება მსურველებს დროის დაზოგვისა და სასურველი ნივთისა თუ მომსახურების გამარტივებულად შეძენის საშუალებას მისცემს, აცხადებენ ბანკში.
“ამიერიდან “თიბისი ბანკის” ნებისმიერი ვიზა ბარათი – საკრედიტო ან სადებეტო, შეგიძლიათ აქციოთ თქვენთვის ყველაზე კომფორტულ, უკონტაქტო ბარათად. საჭიროა მხოლოდ ტერმინალზე ბარათის მიახლოება და სასურველი ნივთი თქვენს ხელშია. ამისთვის, თქვენი ვიზა ბარათი, რომელსაც შოპინგისას ყველაზე ხშირად იყენებთ, უნდა განაახლოთ “თიბისი ბანკში”, რაც მოგცემთ საშუალებას ყველაზე მარტივად, კომფორტულად და სწრაფად განახორციელოთ გადახდა ნებისმიერ სავაჭრო ობიექტში”, – აცხადებენ ბანკში.
“თიბის ბანკის” ინფორმაციით, უკონტაქტო ბარათების ღირებულება ბარათების არსებული ღირებულების ანალოგიურია.
“გარდა ამისა, გახსოვდეთ, რომ გადახდის უკონტაქტო ფორმა არის სამჯერ უფრო სწრაფი ვიდრე ჩვეულებრივი, ტრადიციული ფორმა.
ამასთან, თქვენი უკონტაქტო ბარათი გაცილებით უფრო დაცულია, ვიდრე სხვა ნებისმიერი ტიპის ბარათი, ვინაიდან მასთან კონტაქტი მხოლოდ თქვენ გაქვთ. გადახდის სქემა შემდეგნაირია – მოლარე კრეფს გადასახდელი თანხის ოდენობას ტერმინალზე, რის შემდეგაც თქვენ გჭირდებათ ტერმინალთან ბარათის მხოლოდ მიახლოება.
თუ თქვენს მიერ დახარჯული თანხა 45 ლარს აღემატება, დაგჭირდებათ მხოლოდ პინ კოდის მითითება ტერმინალზე. უკონტაქტო ბარათით გადახდა შესაძლებელია 700-ზე მეტ სავაჭრო ობიექტში. ისარგებლეთ “თიბისი ბანკის” უახლესი ტექნოლოგიებით აღჭურვილი, უკონტაქტო ბარათებით, აცხადებენ „თიბისი“ ბანკში.
04.06.13
