პარლამენტის თავმჯდომარე დავით უსუფაშვილი იმ პროცედურებს და ვადებს განმარტავს რა დროშიც პრემიერ-მინისტრმა ახალი მინისტრთა კაბინეტი უნდა წარადგინოს.
როგორც დავით უსუფაშვილი აცხადებს, მას შემდეგ რაც პრემიერი ჩამოყალიბდება ახალ მინისტრთა შესახებ, საქმეში ჩაერთვება პარლამენტი, რომელსაც თავის მხრივ 7 დღეს აქვს ვადა აღნიშნულ საკითხზე იმსჯელოს.
„პრემიერ-მინისტრს აქვს ექსკლუზიური უფლება ვაკანტურ თანამდებობებზე დანიშნოს მინისტრები და მას შემდედ, რაც პრემიერი ამ თემაზე ჩამოყალიბდება და მთავრობა მიიღებს უკვე განახლებულ სახეს, ჩაერთვება საქმეში პარლამენტი. ჩვენი კანონმდებლობით პრემიერ-მინისტრის ამისთვის 2-კვირიანი ვადა აქვს, იმისთვის, რომ ვაკანტურ თანამდებობებზე დანიშნოს მინისტრები, შემდგომ, საქართველოს კონსტიტუციის შესაბამისად, განახლებულ შემადგენლობას პრეზიდენტი წარმოუდგენს პარლამენტს და შემდეგ ჩვენ გვაქვს 7-დღიანი ვადა ამ საკითხზე გადაწყვეტილების მისაღებად. პრემიერისთვის 2-კვირიანი ვადის დინება უკვე დაიწყო ახალი მინისტრების შესარჩევად“,- განაცხადა უსუფაშვილმა
შეგახსენებთ, რომ სპორტის და ახალგაზრდობის საქმეთა მინისტრი მეშვიდეა მინისტრთა კაბინეტიდან, რომელმაც თამამდებობა დატოვა.