დღეს სასტუმრო „თბილისი მარიოტში“ „მოქალაქის“ და „საზოგადოება 2030“-ის ორგანიზებით გაიმართება ეკონომიკური ფორუმი – „საქართველოს ეკონომიკა – მიღწევები და გამოწვევები“.
როგორც “თბილისი თაიმსს” ორგანიზაცია მოქალაქედან აცნობეს, ფორუმს ორგანიზაციების – „მოქალაქე“ და „საზოგადოება 2030“, დამფუძნებელი ბიძინა ივანიშვილი გახსნის. ფორუმში მონაწილეობას მიიღებს საექსპერტო წრეების, არასამთავრობო ორგანიზაციების, საინვესტიციო ფონდების და უნივერსიტეტების 70-მდე წარმომადგენელი. ღონისძიებაზე გაკეთდება მოხსენებები მნიშვნელოვან ეკონომიკურ თემებზე, რომლებსაც „საზოგადოება 2030“-ის წევრები და დამოუკიდებელი ექსპერტები წარადგენენ. ფორუმზე განხილული იქნება ისეთი მნიშველოვანი საკითხები, როგორიცაა ეროვნული ვალუტის კურსი, ქვეყნის ეკონომიკის პრობლემები და პრიორიტეტები, საწარმოო ჰაბის პროექტი, სავალუტო ბაზარი, პირდაპირი უცხოური ინვესტიციები და ა.შ.
