საქართველოს პრეზიდენტი, გიორგი მარგველაშვილი, ფაშიზმზე გამარჯვების 70-ე წლისთავთან დაკავშირებით, ვაკის პარკში იმყოფებოდა.
ქვეყნის პირველი პირი ვაკის პარკში პრეზიდენტის ადმინისტრაციის თანამშრომლებთან და თავდაცვის მინისტრ თინა ხიდაშელთან ერთად მივიდა.
გიორგი მარგველაშვილმა უცნობი ჯარისკაცის საფლავი გვირგვინით შეამკო.
ვაკის პარკში ფაშიზმზე გამარჯვების 70-ე წლისთავთან დაკავშირებით როგორც ომის ვეტერანებმა, ისე სხვა მოქალაქეებმა შეკრება დილიდან დაიწყეს. დაღუპულთა ხსოვნისადმი პატივის მისაგებად უცნობი ჯარისკაცის საფლავთან პოლიტიკოსებიც მიდიან.
