“ჩვენ ვნახეთ, რომ ხუთშაბათს, შუადღისათვის ლარის კურსი გაუმჯობესდა, ამის შემდგომ, საქმეში ჩაერია ეროვნული ბანკი. დიდი რაოდენობით სესხი მიაწოდა კომერციულ ბანკებს, მილიარდ 7 მილიონის ოდენობით, ანუ გაზარდა წინა კვირას გაცემული 700 მილიონი 307 მილიონით, რის შედეგადაც კურსმა კვლავ გაუფასურება დაიწყო და უკვე დღეს 2,28-2,29-ის ფარგლებში მერყეობს. აი სწორედ ეს არის ის პროცესი, რასაც ჰქვია ეროვნული ბანკისაგან, ქადაგიძისაგან საბოტაჟი ქართული ეკონომიკის წინააღმდეგ-ეროვნულმა ბანკმა ლარს გამყარება არ აცადა,” – ამის შესახებ განაცხადა გადაცემაში “კვირის 2030″ ეკონომიკურმა კონსულტანტმა, მიხეილ დუნდუამ.
“მნიშვნელოვანია საბანკო ზედამხედველობის სამსახურის გამოცალკევების იდეა ეროვნული ბანკის პრეზიდენტის გავლენისაგან. სისტემა უნდა გახდეს გამჭვირვალე. დღეისათვის სისტემა არაა გამჭვირვალე – მას ადეიშვილის კადრები აკონტროლებენ, ქადაგიძე ადეიშვილის კადრია. დღეს ლარის გამყარების ფრონტის ხაზი სწორედ გამჭვირვალობაზე გადის და როცა სისტემის გამჭვირვალობა იქნება უზრუნველყოფილი, ყველა ეს პრობლემა მოგვარდება. “- განმარტავს მიხეილ დუნდუა.