საქართველოში განხორციელებული პირდაპირი უცხოური ინვესტიციების მოცულობამ 2013 წლის პირველ კვარტალში 226 მლნ აშშ დოლარი შეადგინა.
“საქსტატის” მონაცემებით, 2012 წლის I კვარტალში საქართველოში 269 მლნ აშშ დოლარის ოდენობის პირდაპირი უცხოური ინვესტიცია განხორციელდა, II კვარტალში – 219 მლნ აშშ დოლარი, III კვარტალში – 195 მლნ აშშ დოლარი და IV კვარტალში – 181 მლნ აშშ დოლარი.
წინასწარი მონაცემებით, 2013 წლის I კვარტალში საქართველოში პირდაპირი უცხოური ინვესტიციების შემომავალმა ნაკადებმა 327 მლნ აშშ დოლარი შეადგინა.
უმსხვილესი ინვესტორი ქვეყნების წილმა 2013 წლის I კვარტალში მთლიანი პირდაპირი უცხოური ინვესტიციების 71 პროცენტი შეადგინა. უმსხვილეს ინვესტორებს შორის პირველ ადგილზეა იაპონია – 20 პროცენტით, მეორეზე აზერბაიჯანი – 17 პროცენტით, ხოლო მესამეზე – ნიდერლანდები 15 პროცენტით.
ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 65 მლნ აშშ დოლარი შეადგინა, რაც მთლიანი პირდაპირი უცხოური ინვესტიციების 29 პროცენტია. მეორე ადგილზეა ენერგეტიკა 42 მლნ აშშ დოლარით, ხოლო მესამეზე – სამთო მოპოვებითი მრეწველობა 13 მლნ აშშ დოლარით.
10.06.13
