დღეს, საქართველოს კულტურისა და ძეგლთა დაცვის სამინისტროს მხარდაჭერითა და არასამთავრობო ორგანიზაცია „მშობელთა ხიდის“ ორგანიზებით გაიმართება „პარაორკესტრის“ კონცერტი, გაიხსნება ასევე მუსთერაპიის კაბინეტი.
„პარაორკესტრი“ მუსიკით დაინტერესებული შეზღუდული შესაძლებლობის მქონე 20-მდე მოზარდს აერთიანებს – ის ამიერკავკასიაში ამ ტიპის პირველი მუსიკალური ჯგუფია. კონცერტზე მსმენელი როგორც კლასიკურ, ასევე თანამედროვე ჯაზურ კომპოზიციებს მოისმენს.
მუსთერაპიის ოთახში, „პარაორკესტრის“ წევრებს და ორგანიზაციის სხვა ბენეფიციარებს სისტემატიურად ჩაუტარდებათ მუსთერაპია, არტთერაპია და შრომათერაპია, რომელიც შემოქმედებითი პოტენციალის გამოვლენაში, მათი შესაძლებლობების რეალიზებასა და საზოგადოებასთან ინტეგრაციაში დაეხმარებათ.
„პარაორკესტრის“ მხარდამჭერია საქართველოს კულტურისა და ძეგლთა დაცვის სამინისტრო.