“ბავშვების დღეა, რა დროს მიშაა”

საქართველოს პრემიერ-მინისტრ ირაკლი ღარიბაშვილის განცხადებით, მიხეილ სააკაშვილი ქვეყნის წარსულია.

“ბავშვების დღეა, რა დროს მიშაა, სააკაშვილი არის წარსული, ესენი არიან მომავალი”, – განუცხადა ჟურნალისტებს პრემიერმა.

შეგახსენებთ, რომ საქართველოს ყოფილი პრეზიდენტი მიხეილ სააკაშვილი, უკრაინის პრეზიდენტმა პეტრო პოროშენკომ ოდესის გუბერნატორად დანიშნა. მიხეილ სააკაშვილს გუბერნატორის პოსტის დაკავების მიზნით უკრაინის მოქალაქეობაც მიენიჭა. საქართველოს ყოფილი პრეზიდენტი, უკრაინის პრეზიდენტთან არსებული საერთაშორისო მრჩეველთა საბჭოს თავმჯდომარეცაა, რომელშიც სხვადასხვა დასავლური ქვეყნების ცნობილი პოლიტიკოსები შედიან.