საქართველოში რამდენიმე თვეში „ეკო ჯორჯიას“ ავტოგასამართი სადგური გამოჩნდება. ამ ბრენდის ქვეშ ისევ ბერძნული საწვავი გაიყიდება, თუმცა ავტოგასამართი სადგურების მფლობელები ბერძნები აღარ იქნებიან. „ეკო ჯორჯიაში“ ბერძნულ „სელენიკ პეტროლიუმთან“ კავშირს კატეგორიულად უარყოფენ.
კომპანია „ეკო ჯორჯია“ საქართველოში ცოტახნის წინ დარეგისტრირდა. კომპანიის დამფუძნებლები არიან ცნობილი ბიზნესმენები გიორგი კაპანაძე და ილია კოკაია. მათი სახელები რამდენიმე გახმაურებულ საქმეს უკავშირდება. ერთ- ერთი შემთხვევა კომპანია „რეალ ინვესტს“ ეხება რომლის მფლობელებიც გიორგი კაპანაძე და ილია კოკაია არიან. ამ კომპანიას აღმაშენებლის გამზირზე გარკვეული ფართი რეკონსტრუქციისთვის გადაეცა, ყოველგვარი აუქციონისა და შერჩევის გარეშე. მეორე შემთხვევა კი ტელეკომპანია „მე-9 არხში“ 2013 წელს გასულ სიუჟეტს უკავშირდება სადაც შპს „დინექსის“ მფლობელი გიორგი გურული ამტკიცებს, რომ კეზერაშვილის მუქარის გამო თავისი ქონება გადააფორმა გიორგი კაპანაძესა და ილია კოკაიაზე.
„ეკო ჯორჯიას“ აღმასრულებელი დირექტორია ლევან ახვლედიანია. იგი მანამდე კომპანია „გალფში“ კორპორაციული გაყიდვების უფროსად მუშაობდა. ახვლდიანის ინფორმაციით რასაც გაზეთი „რეზონანსი“ აქვეყნებს „ეკო ჯორჯია“ საბითუმო ბაზარზე უკვე საქმიანობს, მას საბერძნეთიდან, თვეში 5 ათას ტონამდე, პრემიუმ კატეგორიის საწვავი შემოაქვს და მსხვილ კლიენტებს სთავაზობს. „ეკო ჯორჯია“ საცალო ბაზარზე გააქტიურებასაც გემავს. იგი აპირებს ავტოგასამართი სადგურების ნაწილიც შეიძინოს, ნაწილი ააშენოს. პირველ ეტაპზე საქართველოს მასშტაბით 10-15 ავტოგასამართი სადგურის გახსნა იგეგმება, სულ 3 წლიანი გეგმა 80-100 ავტოგასამართი სადგურის გახსნას მოიცავს. ავტოგასამართი სადგურების გახსნა მეზობელ ქვეყნებშიც იგეგმება, კონკრეტულად სომხეთში.
კომპანია აქცენტს მარალი ხარისხის პრემიუმ კლასის საწვავის იმპორტზე აკეთებს, რომელიც სხვა ევროპულ იმპორტირებულ საწვავზე შედარებით ძვირი იქნება. ამ საკითხზე „რეზონანსი“ ლევან ახვლედიანს ესაუბრა: „ ვფიქრობთ, საქართველოში მაღალი ხარისხის საწვავის მომხმარებელიც არსებობს, რომელიც ავტომობილს უფრთხილდება, შესაბამისად მათ ბენზინში 2-3 თეთრით მეტის გადახდა უღირთ.“ -აცხადებს ახვლედიანი.
აღსანიშნავია ის ფაქტი, რომ სანავთობო ბაზარზე შექმნილი მონოპილიური ფასების მოშლას მთავრობა ახალი მოთამაშის შემოსვლით გეგმავდა. შესაბამისად მოსახლეობას ჰქონდა მოლოდინი, რომ მალე ნავთობსექტორში მსხვილი კომპანია გამოჩნდებოდა , რომელიც წვრილ ავტოგასამართ სადგურებს ერთი ბრენდის ქვეშ გააერთიანებდა. აღნიშნულ სადგურებში კი საწვავი სხვა ბრენდირებურ ავტოგასამართ სადგურებთან შედარებით დაბალ ფასად გაიყიდებოდა.
ქვეყანაში მართლაც შეიქმნა კომპანია, საკმაოდ ამბიციური გეგმით (100 ავტოგასამართი სადგური) თუმცა მოულოდნელი მფლობელებითა და მაღალი ფასებით.
11.06.13
