დღეს გარემოსა და ბუნებრივი რესურსების დაცვის სამინისტროში, თიბისი ბანკი, საქველმოქმედო ასოციაცია „თიბისი“ და დაცული ტერიტორიების სააგენტო ხელს მოაწერენ ხელშეკრულებას, რომელიც თუშეთში საცხენოსნო ტურისტული გზის გაყვანას ითვალისწინებს.
„თიბისი ბანკის“ მხრიდან ხელშეკრულებას ხელს მოაწერენ ბანკის სამეთვალყურეო საბჭოს თავმჯდომარე, მამუკა ხაზარაძედა საქველმოქმედო ასოციაციის „თიბისი“ ხელმძღვანელი, მალხაზ ჩუგოშვილი. ასევე კავკასიის ბუნების ფონდის (CNF) ხელმძღვანელი დევიდ მორისონი და დაცული ტერიტორიების სააგენტოს თავმჯდომარე, რატი ჯაფარიძე.
ხელმოწერას დაესწრება გარემოს დაცვის მინისტრი, ხათუნა გოგალაძე.
ბანკი წლების მანძილზე აქტიურად თანამშრომლობს დაცული ტერიტორიების სააგენტოსთან და კავკასიის ბუნების ფონდთან, აცხადებენ თიბისიში.
თუშეთში ტურისტული ინფრასტრუქტურის განვითარების პროექტი ორწლიანია და მიზნად ისახავს 2014 წლისთვის თუშეთის დაცულ ტერიტორიებზე ინფრასტრუქტურული სამუშაოების ჩატარებას.
სამუშაოები მიზნად ისახავს საცხენოსო ბილიკის რეაბილიტაციასა და ტურისტული თავშეფსარის მშენებლობას.
13.06.13
Discussion about this post